香港地 (已結業)

喺Popcorn Namco玩到肚饿就去咗对面好多人等位嘅香港地医肚，原本以为只系普通一餐，估唔到有惊喜。头抽干炒M5澳洲和牛炒河粉 $62 出面普通干炒牛河闲闲哋都要五十几蚊，呢到加多几蚊就有M5和牛食，虽然未系好高级，但比起普通嘅牛肉脂肪比例更加高 (fyi 澳洲M9大约等于日本A3)，都算抵食，而且河粉都有镬气，overall都好满意。砂窝 · 窝蛋三虾香菇炆饭 $72 超香口！三虾分别系虾球、虾干、虾籽，成个饭满布虾籽已经劲香，虾干又添咸香，虾球又够弹牙，不得了。海皇素翅炖冬瓜盅 $118 本来以为香港地好似茶餐厅咁，估唔到连冬瓜盅都有，呢到采用素翅好环保，又可以过下口瘾。入面仲有各种海鲜，冬瓜清甜，海鲜又够鲜。整体足料又抵食，记得揾几个朋友一齐share。浓朱古力沙冰奶 $38 个卖相好够gimmick，价钱都合理，如果跟餐转配会更抵饮，朱古力味唔会因为维他奶而沟淡，上面仲有粒粒，口感唔错。红豆沙冰奶 $38 红豆搞烂哂，成杯散发浓浓红豆味，配维他奶感觉都几清新，沙冰又有口感又消暑，成个combination都几创新。唔驶加一服务费，埋单2人约$320 (唔小心嗌多咗😛) 。