影片
更多
2023-05-02
145 浏览
好多人都知我系个酒鬼嘻嘻！所以有酒饮嘅地方我都特别钟意，呢日老婆大人就抵锡带咗我去一间超有气氛嘅居酒屋撑枱脚，饮吓酒食好嘢回味下拍拖时候嘅温馨日子。今次去呢间系喺中环嘅须佐之男Susano-o Izakaya𠮶啲名好似有啲怪怪咁！原来系嚟自一个关于酒嘅日本神话主角嘅大名，所以呢间居酒屋有好多劲有特色嘅日本清酒卖！舖头唔系好大得12个位但系装修几有心思，除咗一般木装修嘅主题之外仲用咗大镜，令到成间餐厅嘅感觉大咗成倍好聪明嘅做法。我哋呢日就坐喺水吧下嘅二人位，啱晒我同老婆大人sweet sweet啦！嗱嗱嗱重点嚟喇！呢度嘅大厨唔做胶层走嚟开间居酒屋就系为咗理想，仲要咁鬼型仔唔怪得之老婆大人见到佢都心心眼啦！另外招呼我哋嘅仲有好cute嘅鱼旦，20多岁嘅小伙子可爱到不得了，如果大家有睇蓝色电视台嘅造星节目应该对佢有啲印象。好喇系时候整个小食叹住先！呢个烧鱿鱼好鬼厚身人中越食越鲜甜，用嚟送酒真系冇得输㗎。有咁正嘅鱿鱼梗系要饮返杯走先啦！呢枝蒲霞纯米吟酿唔会好甜口用嚟配鱿鱼好啱Channel。跟住呢一支叫做肉万岁纯米吟酿比较甜米香浓郁，一阵间要嚟配牛肉菜式就最啱key。仲有呢支老婆大人劲钟意嘅仙
今次去呢间系喺中环嘅须佐之男Susano-o Izakaya𠮶啲名好似有啲怪怪咁！原来系嚟自一个关于酒嘅日本神话主角嘅大名，所以呢间居酒屋有好多劲有特色嘅日本清酒卖！
舖头唔系好大得12个位但系装修几有心思，除咗一般木装修嘅主题之外仲用咗大镜，令到成间餐厅嘅感觉大咗成倍好聪明嘅做法。
我哋呢日就坐喺水吧下嘅二人位，啱晒我同老婆大人sweet sweet啦！
嗱嗱嗱重点嚟喇！呢度嘅大厨唔做胶层走嚟开间居酒屋就系为咗理想，仲要咁鬼型仔唔怪得之老婆大人见到佢都心心眼啦！另外招呼我哋嘅仲有好cute嘅鱼旦，20多岁嘅小伙子可爱到不得了，如果大家有睇蓝色电视台嘅造星节目应该对佢有啲印象。
好喇系时候整个小食叹住先！呢个烧鱿鱼好鬼厚身人中越食越鲜甜，用嚟送酒真系冇得输㗎。
有咁正嘅鱿鱼梗系要饮返杯走先啦！呢枝蒲霞纯米吟酿唔会好甜口用嚟配鱿鱼好啱Channel。
跟住呢一支叫做肉万岁纯米吟酿比较甜米香浓郁，一阵间要嚟配牛肉菜式就最啱key。
仲有呢支老婆大人劲钟意嘅仙禽初槽，话饮落去好似佢最like嘅Moscato㖞！对于唔系好钟意饮甜酒嘅我都觉得呢枝清酒好唔错。
而家呢个时间梗系同老婆大人碰返杯，之后就开始食我哋今晚丰富嘅晚餐喇。
首先我好大胆咁叫咗呢个A5梦之和牛他他，熟悉我哋嘅朋友都知我老婆大人系食唔到有苏味嘅牛肉！不过近几次佢食过牛肉他他都冇问题，于是我就叫咗呢个食威士忌饲料大嘅梦之和牛比佢叹吓。
呢个牛肉他他入面有劲多葱花仲有芥辣，食嘅时候连埋只鸡蛋捞匀一齐就食得，牛肉好鬼鲜甜加埋啲香口嘅葱花、芥辣仲有蛋汁嘅甜味，食完之后成个口都系香味正呀喂。
老婆大人就钟意放喺紫苏叶上面一齐食，佢话咁样食仲正斗可惜我唔钟意紫苏叶𠮶阵味。
然后我哋一人整一粒呢个松叶蟹海胆球，免头有好新鲜嘅海胆同埋卜卜脆嘅蟹籽，入面全部都系松叶蟹忌廉做嘅馅系一啲薯仔都冇！呢旧可乐饼只能够用鲜、鲜、鲜味嚟形容。
鲜味过后嚟一碗浓郁嘅香葱蛋花清鸡汤暖吓胃，睇落去好似一般普通嘅蛋花汤咁要饮落去先知佢咩料！佢系一碗充满鸡肉香甜味嘅蛋花汤，我老婆大人饮到一滴不留就知佢有几好味啦。
饮紧汤嘅时候鱼蛋忽然间送嚟一块盐板，原来系俾我哋叫咗嘅串烧用！一阵师傅会将烧好嘅串烧摆喺盐板上面，咁就可以食到师傅烧出嚟原汁原味嘅串烧。
第一串嚟到嘅系军鸡鸡翼真系唔唱番首饮歌都唔得~烧鸡翼我钟意食~，呢只鸡翼烧到个皮脆但系一啲都唔干，入面嘅鸡肉嫩溜又多汁撞鬼咁好食。
我见到餐牌上面有老婆大人最钟意食嘅鸡心梗系要嗌两串慰劳下佢啦！呢个军鸡鸡心同我平时食开嘅串烧好唔同，佢唔系外面干硬而系成粒都好柔软多汁但又够干身，超级香嘅同时仲好鬼有咬口食到老婆大人舔舔脷，睇见佢食到咁开心我都好Happy呀。
之前两款串烧都好有质素嚟紧呢个就够晒特别同埋刁钻，特别到系我成世仔第一次食军鸡鸡掌心嘅串烧！
大家知唔知咩系鸡掌心即系鸡脚中间最厚𠮶嚿肉！坦白讲自从我种咗牙以嚟已经好耐冇食过鸡脚喇！今次师傅将个鸡掌心起咗旧肉出嚟然后烧到佢又香又脆，食完简直感动流涕多谢师父嘅坚持我先至可以重拾叹鸡脚嘅美好时光。
老婆大人已经食到饱饱咁我就自私食呢个樱花本烟熏香辣牛舌饭，呢个牛舌厚到一个点但系就一啲都唔韧仲好有咬口添，而且牛舌嘅味超级浓好味到不得之了。
而𠮶饭嘅香辣味就嚟自XO酱食落又香又辣劲惹味，啲饭仲要有饭焦究竟我系咪去咗食煲仔饭呀！
最后我哋仲叫咗件日本烧芝士年糕嚟分享，呢个年糕就特别啰头先𠮶个可乐饼就冇薯仔嘅，反为呢个年糕唔用米用咗薯仔嚟整！大厨简直犯咗颠覆食物罪本官决定惩罚佢下次再招呼过我哋哈哈。
须佐之男 Susano-o Izakaya电话：36891031
地址：中环苏豪伊利近街20号地舖
张贴
