影片
更多
2023-01-18
432 浏览
放假嚟西九龙中心逛下，晏昼就顺道在商场内揾食。喺 6 楼 foodcourt 见到有间新开嘅 kebab 店「拉合尔烤肉卷」。餐厅主打土耳其菜，有古法烤肉手卷、薄饼、汉堡同小食等供应，选择好丰富。我哋点咗个夏威夷 Pizza、Chicken Doner、两个汉堡包同一杯 Mango Lassi。夏威夷薄饼 ($130)：Pizza 即叫即焗，面头嘅 Toppings 用料十足，有菠萝、辣肉肠、芝士、紫洋葱、青椒同橄榄等，拿上手时仍热烫烫，外缘薄身香脆，食落唔会一口粉，拎起仲有拉丝效果，超邪恶🤤🤤Chicken Doner 配饭 ($65)：烤鸡份量不少，鸡肉几嫩滑，带浓郁香料香，而且最难得系食落仍然保持到 Juicy 嘅口感，配埋面头个沙律酱，好滋味，用嚟送饭，一流！旁边仲有沙律菜，营养均衡，够晒健康。至于两个 Burger 就点咗双层芝士鸡扒 ($45) 同 鱼柳汉堡 ($30)，面包好软熟，鸡扒香脆有肉汁，配上 double cheese，双重诱惑，份外满足。鱼柳包味道亦唔错，鱼柳新鲜即炸，外层香脆，内里鱼肉滑捋捋，入口无雪味，加上大量秘制沙律酱、新鲜生菜同番茄，十分可口！另外呢杯
放假嚟西九龙中心逛下，晏昼就顺道在商场内揾食。喺 6 楼 foodcourt 见到有间新开嘅 kebab 店「拉合尔烤肉卷」。
餐厅主打土耳其菜，有古法烤肉手卷、薄饼、汉堡同小食等供应，选择好丰富。
我哋点咗个夏威夷 Pizza、Chicken Doner、两个汉堡包同一杯 Mango Lassi。
夏威夷薄饼 ($130)：Pizza 即叫即焗，面头嘅 Toppings 用料十足，有菠萝、辣肉肠、芝士、紫洋葱、青椒同橄榄等，拿上手时仍热烫烫，外缘薄身香脆，食落唔会一口粉，拎起仲有拉丝效果，超邪恶🤤🤤
Chicken Doner 配饭 ($65)：烤鸡份量不少，鸡肉几嫩滑，带浓郁香料香，而且最难得系食落仍然保持到 Juicy 嘅口感，配埋面头个沙律酱，好滋味，用嚟送饭，一流！旁边仲有沙律菜，营养均衡，够晒健康。
至于两个 Burger 就点咗双层芝士鸡扒 ($45) 同 鱼柳汉堡 ($30)，面包好软熟，鸡扒香脆有肉汁，配上 double cheese，双重诱惑，份外满足。
鱼柳包味道亦唔错，鱼柳新鲜即炸，外层香脆，内里鱼肉滑捋捋，入口无雪味，加上大量秘制沙律酱、新鲜生菜同番茄，十分可口！
另外呢杯 Mango Lassi ($25) 亦好值得推介，大大杯，色泽鲜艳，饮落芒果味好突出，微酸带甜很醒胃。
张贴
