君悅咖啡廳

营业中

休息中

君悦个景靓就好多人知，食物款式多同质素都keep得到，重要赞下疫情期间卫生情况好好，至少食得安心。刺身大路嘢：三文鱼、甜虾、带子、吞拿鱼、鱿鱼都有。味道虽然唔算太鲜甜，但胜在款式够多。冷盘：唔.....龙虾无咩味、岘有沙、蟹脚系正嘅，有海水味又鲜甜。牛扒好淋，好有牛味，肥瘦适中。虾就都系禁啦，肉实净，鲜味就无咩啦。炒龙虾系必食嘅，比冷盘龙虾好食好多，个汁好浓味，热辣辣，好有镬气。鹅肝煎得香口，好多地方都整得过熟，但呢到无，食完一件再一件。珊瑚蚌蒸蛋？好似系蛋蒸得滑，个汁系豉汁，配搭新鲜甜品有好多款，我就真系唔识分好唔好食啦，系甜品都中意，首推拿破仑蛋糕。重有好多野食，不过真系食唔落啦。