影片
更多
2022-01-27
49 浏览
-🦄鮨胜 @sushikatsu.hk-おまかせ18品 Hkd688Rating🌕🌕🌖🌑🌑-相隔大约1个月嘅时间 我再次投入厨师发办嘅怀抱因为疫情禁晚市堂食嘅关系 好多餐厅都作出改变特别系Omakase嘅餐厅 会多咗下午茶时段嘅选择所以我今次嚟到鮨胜 都系食1600呢个下午茶时段-当日1600就只有我同朋友两个人 餐厅无其他食客可以两个人包场 慢慢享受呢个Early Dinner都几叹-而我就叫咗Omakase 18品套餐 包含多款精致料理今日就先同大家分享前菜 刺身 茶碗蒸同埋天妇罗♦️水云渍▪️Rating🌕🌕🌕🌕🌑。先嚟系开胃前菜嘅水云渍 系我去冲绳嘅必食小食酸甜嘅味道最能够打开你嘅味蕾 迎接之后嘅料理份量唔多 刚刚好一啖就食完了 好钟意呢种小清新♦️鲍鱼▪️Rating🌕🌕🌕🌕🌑。师傅话鲍鱼经慢煮3小时 所以口感上比较软淋我个人几钟意呢个鲍鱼嘅口感 好容易就能够咬开虽然忘记咗佢是否经清酒烹煮 不过味道真系好清醇我最后都饮哂鲍鱼底下嘅清汤 感觉上会更有满足感-♦️北海道花咲蟹▪️Rating🌕🌕🌕🌑🌑。之前曾经都去过北海道食原只花咲蟹 不过有啲失望花咲蟹虽然好大只 但实际上可以食用嘅蟹肉并唔
🦄鮨胜 @sushikatsu.hk
-
おまかせ18品 Hkd688
Rating🌕🌕🌖🌑🌑
-
相隔大约1个月嘅时间 我再次投入厨师发办嘅怀抱
因为疫情禁晚市堂食嘅关系 好多餐厅都作出改变
特别系Omakase嘅餐厅 会多咗下午茶时段嘅选择
所以我今次嚟到鮨胜 都系食1600呢个下午茶时段
-
当日1600就只有我同朋友两个人 餐厅无其他食客
可以两个人包场 慢慢享受呢个Early Dinner都几叹
-
而我就叫咗Omakase 18品套餐 包含多款精致料理
今日就先同大家分享前菜 刺身 茶碗蒸同埋天妇罗
$688
0 浏览
0 赞好
0 留言
♦️水云渍
▪️Rating🌕🌕🌕🌕🌑
。
先嚟系开胃前菜嘅水云渍 系我去冲绳嘅必食小食
酸甜嘅味道最能够打开你嘅味蕾 迎接之后嘅料理
份量唔多 刚刚好一啖就食完了 好钟意呢种小清新
♦️鲍鱼
▪️Rating🌕🌕🌕🌕🌑
。
师傅话鲍鱼经慢煮3小时 所以口感上比较软淋
我个人几钟意呢个鲍鱼嘅口感 好容易就能够咬开
虽然忘记咗佢是否经清酒烹煮 不过味道真系好清醇
我最后都饮哂鲍鱼底下嘅清汤 感觉上会更有满足感
-
♦️北海道花咲蟹
▪️Rating🌕🌕🌕🌑🌑
。
之前曾经都去过北海道食原只花咲蟹 不过有啲失望
花咲蟹虽然好大只 但实际上可以食用嘅蟹肉并唔多
今次有埋师傅细心拆肉 配上特调啫喱 是一大享受
可以品尝到花咲蟹嘅鲜甜 唯独系佢份量实在太迷你
基本上一啖就无咗 未能够认真品尝到当中嘅奥妙🥺
。
♦️帆立贝刺身
▪️Rating🌕🌕🌕🌕🌗
-
佢可以话系我全餐最满意 同埋最有记忆点嘅一环
首先粒帆立贝够大粒又够厚 入口细嫩好满足呀
好多时啲师傅都钟意一开二 将粒帆立贝切开一半
而我就正正好讨厌呢种做法 原粒上就最深得我心
-
帆立贝鲜味十足 而且佢有一样好特别嘅地方🤓
就系会配上原块柠檬片 同埋一种酸酸甜甜嘅酱汁
成件事系好开胃好清新 我都系第一次食到呢种配搭
亦都系其他日式餐厅好少可会见到嘅做法及配搭
我表示十分之满意 系呢度想给予5星星好评💫
$688
0 浏览
0 赞好
0 留言
♦️金目鲷刺身
▪️Rating🌕🌕🌑🌑🌑
。
不过呢款金目鲷刺身就稍微有少少🤏🏻失望喇 可惜
虽然佢嘅色泽唔错 但系最不能接受系食到有筋…
仲要条筋都几大条几韧下 咬咗好耐都咬唔断omg
我只系Focus咗系条筋上面 都食唔到鱼嘅鲜甜味
-
♦️富山县白虾
▪️Rating🌕🌕🌕🌑🌑
。
白虾嫩滑细致 同样地都系一啖就食完 份量比较少
假如可以比多少少🤏🏻白虾 可以认真啲试到佢嘅甜
不过 面头嘅彩色芝麻真系好香 味道颇为浓烈😉
只系洒咗几粒芝麻 就可以带动到成兜白虾嘅香味
-
♦️烟熏椿鱼
▪️Rating🌕🌕🌕🌗🌑
。
已经忘记了佢系经过烟熏还是用烧嘅形式去烹调
表皮微微金黄色 好靓 鱼肉够嫩滑 颇有咬口 好食
最欣赏佢面头嘅自家制腌紫洋葱丝 同条鱼好夹呀
洋葱丝的而且确系令到鱼肉嘅层次再度升华 唔错~
-
♦️蟹肉茶碗蒸
▪️Rating🌕🌕🌗🌑🌑
。
蟹肉部分唔多 配上海藻同埋面头嘅玻璃芡一同奉上
味道主要比海藻抢风头了 主要系食到佢嘅咸香🧐
反而蟹肉系一个辅助嘅角色 而蒸蛋质素中规中矩
蛋系够滑嫩 唔会过分水嫩又或者过分厚实 口感👌🏻
不过欠缺咗一份蛋香味 味道嘅层次好单一 偏咸…
$688
2 浏览
0 赞好
0 留言
♦️金鲷天妇罗立鳞烧
▪️Rating🌕🌕🌗🌑🌑
-
原本应该系供应烧物 师傅突然间转咗天妇罗比我
不过因为我自己唔食天妇罗 所以就比咗朋友食
而朋友唔钟意食鱼皮 所以佢唔好面头嘅立鳞烧
相信口感上一定系脆卜卜好香口 天妇罗色泽唔错
炸粉唔会好厚 洽到好处 始终鱼肉先至系主角呀嘛
。
天妇罗做到外脆内嫩 旁边嘅梅子 姜芽酸酸甜甜
更加可以清走油炸天妇罗嘅少许油腻感 唔错👏🏻
-
♦️纹甲鱿鱼寿司
▪️Rating🌕🌕🌕🌗🌑
。
先嚟打头阵嘅有鱿鱼寿司 对我而言系几有惊喜👅
口感上十分嫩滑 打破咗传统鱿鱼就系好韧嘅观念
反而佢食落好似食紧虾寿司咁 爽嫩弹牙 几好食👏🏻
面头少许嘅彩色芝麻做点缀 可以增添香气 系加分位
反而我觉得 鱿鱼寿司唔需要太多调味都可以好好食
-
♦️鲭鱼寿司
▪️Rating🌕🌕🌕🌕🌑
。
呢款寿司都一样几有惊喜 我平时唔太钟意食鲭鱼
觉得佢油脂感过于丰富 入口有时候太油腻 少抗拒
但系师傅整嘅呢款鲭鱼寿司 系我从未食过嘅味道
一啲都唔会腥 唔会感到油腻 反而好清爽又嫩口
油脂分布系洽到好处 刚刚好 食完一件会想再食
$688
2 浏览
0 赞好
0 留言
♦️活赤贝寿司
▪️Rating🌕🌕🌕🌑🌑
。
Omakase中老是常出现嘅一款寿司 活赤贝寿司
新鲜嘅 够厚身又够爽口弹牙 赤贝控应该会几满足
夹杂系鱼类寿司当中出现 可以带出一点新鲜感😉
-
♦️牡丹虾寿司
▪️Rating🌕🌕🌕🌗🌑
。
牡丹虾寿司最令人有记忆点系佢面头嘅虾膏😳
虽然虾膏份量唔多 但系味道好浓烈 正中我红心
要知道 斋食牡丹虾就只能够品尝到佢嘅鲜甜
再加上少少🤏🏻虾膏 味道上嚟个180度大反转
脑袋突然间会叮一声 都几醒晨 我钟意呢个虾膏
有食过其他烹调方法 系会再炙烧一吓 会更加香口
不过而家呢一款牡丹虾寿司都一样咁好食😜唔错
-
♦️梳子鱼寿司
▪️Rating🌕🌕🌕🌑🌑
。
话咁快师傅就送上最后一款寿司 我都系第一次食
梳子鱼 无论系鱼嘅色泽还是口感上 我都好满意
鱼嘅鲜味十足 再加上寿司有经过师傅细心调味
鱼香更为突出 鱼肉颇为细腻 做到微微入口即溶
-
♦️海胆寿司
▪️Rating🌕🌕🌗🌑🌑
。
本身应该系拖罗鱼茸卷物 但系因为我唔食拖罗
师傅特别帮我转咗呢款海胆寿司 而师傅都好细心
食到呢度 会主动问你要唔要少饭 惊你太饱食唔落
。
而原本系手卷嘅款式都变咗做呢粒海胆波波
海胆下面嘅饭都只系一少配角 海胆才是皇道
海胆味道够鲜甜 只系略嫌佢太细啖 唔够喉🥺
假如可以比多几片 相信我嘅心灵会更为满足
$688
1 浏览
0 赞好
0 留言
♦️江户前玉子
▪️Rating🌕🌕🌗🌑🌑
。
江户前玉子比起平时普通嘅玉子烧更加特别😳
佢加入咗鱼虾蟹一同烹制而成 外表上完全睇唔出
就咁睇 好似日本蜂蜜蛋糕 食落口都比较似蛋糕
而唔系一粒蛋 又或者会食到鱼虾蟹嘅味道😗
口感唔似玉子烧架 系介乎于玉子烧同蛋糕中间
-
♦️汁物-椎茸大蚬汤
▪️Rating🌕🌕🌗🌑🌑
。
688嘅套餐有得饮呢碗椎茸大蚬汤 而唔系面豉汤
不过 我略嫌佢味道较为清淡 只系饮到蚬肉嘅鲜味
大蚬真系几大粒 椎茸都够爽口 不过汤汁真系几淡
但系食到尾声 饮返碗热辣辣嘅汤汁都唔错嘅 暖胃~
-
♦️甜品-北海道赤肉蜜瓜
▪️Rating🌕🌕🌗🌑🌑
。
见到甜品有时令水果而唔系雪糕真系几开心仔(˶‾᷄ ⁻̫ ‾᷅˵)
不过平心而论 蜜瓜嘅当造季节已经过去了…
所以 佢又真系唔太甜 无咩蜜瓜嘅甜味同埋香味
唯一一点值得称赞嘅地方就系佢够多汁够Juicy
如果时令水果可以提供士多啤梨或者柑都好🤓
-
呢餐Omakase都食得几快 大约60分钟就完场
不过过程一啲都唔赶急 唔知点解咁快就食完😂
-
总结一下今次鮨胜嘅体验 都会感受到师傅嘅细心
同埋师傅会好有耐性地介绍返每一款食物名称 特点
餐厅员工都几友善 又会主动了解客人嘅要求及感想
-
688午市套餐可以食到18品确实系几抵食 好多元化
不过 个人觉得佢每一样嘢食嘅份量都系比较少🤏🏻
所以食到最后都唔系好饱 寿司饭量本身偏少 细粒
所以唔使少饭我觉得都好Ok 食物质素唔差架
不过又唔会话有边一款特别有惊喜 有记忆点
-
整体而言 系抵食又值得一试嘅Omakase午餐👌🏻
-
张贴
