海龍王餐廳

营业中

休息中

一家人带爷爷嚟海洋公园，想佢坐得舒服啲所以决定嚟海龙王餐厅食午餐。我哋预早一星期订位，但𠮶时成个公园嘅餐厅都已经full booking，于是当日正午我哋准时用Gulu 攞飞，最终喺晏昼两点钟入座。全靠侍应姐姐贴心安排，我地一行八人可以坐喺最近水族箱嘅两张台，欣赏各式各样嘅海鱼喺眼前来回追逐。我𠮶台四个人嗌咗三个套餐，每个套餐包汤、小菜、时蔬、甜品、白饭同饮品，加埋已经够四个人食。我地另外加咗$15叫杯啤酒。而我地叫咗嘅三个小菜，包括红酒烩和牛面颊、黑松露虾球同酱烧鲈鱼，卖相同味道都OK，以游乐场黎讲算唔错。其中最推荐酱烧鲈鱼，表面松脆而肉质依然鲜嫩，而且份量好足。其他食物黎讲系玉桂苹果芭菲几有惊喜，除咗摆盘有只企鹅仔几趣致外，食落唔止香甜亦有雪糕清凉口感。整体黎讲，主题公园嘅餐厅一般都系快餐自助形式而且人山人海（尤其疫情期间海洋公园同迪士尼都唔系开晒全部餐厅），但喺呢度就可以坐定定等上菜，同时欣赏海洋风光，算系值回票价。而且到访当日虽然系星期六，但公园各项机动游戏，包括动感快车、热带激流、越矿飞车、滑浪飞船等都唔开，所以庆幸有喺水族馆食呢餐，算系我地旅程嘅highlight。