尚廚

营业中

休息中

疫情稳定下来的自助餐自从要戴口罩之后好耐冇食过自助餐，呢间酒店5月9号开始有返周末自助餐。Search过发现周末午餐用左Openrice八五折之后先$320就Go Go Go ....✅正常地佢都会帮每个客人量体温先入座、同以前一样嘢食自己出去拎！全日最期待就系海鲜、佢有长脚蟹同龙虾任食（龙虾系因为冇生蚝先会出现），另外仲有黄道蟹真系好似面包蟹同埋虾仲有螺 ⋯ 我净系想食海鲜所以都几满足。不过食到一半长脚蟹越嚟越咸、其他海鲜都不错，$320有咁多海鲜已经好开心！✅热食就比较一般，基本上唔吸引。原本见到一大镬泰式牛丸牛杂好吸引、点知食落全部都唔好味，D牛丸似牛筋丸非常麻麻而啲牛肚又唔够入味食完一旧冇下次。西汤系忌廉蘑菇汤但难饮既、反而中汤系椰子鸡好香！试咗一旧烧鸭都唔错，其他热食真系冇乜掂因为唔系炒意粉就系炒饭 ⋯✅最后甜品都有好多雪糕而且拿破仑芒果好新鲜几好味！如果为咗海鲜我会再嚟、但热食佢哋真系做得好弱希望可以好一D。员工收碟都快但唔知系咪戴咗口罩所以一句说话都唔想讲，记得以前食Dinner Buffet都几有礼貌同客有交流、今次反而门口Receptionist态度好过里面侍应。