泰海鮮 (已結業)

题外话/补充资料： 长发姐姐接待专登安排露天位，天气酷气专登叫职员推风扇给我们，婶婶们亦很乐意为我们安排，都认得我地每个月都会带狗仔黎帮衬五百一千，谁知黑脸短发阿姐出口阻挠！还故意大大声责骂婶婶们比说话我听：要叹就坐入面有冷气，只系两个人搞咩咁多野呀！我唔想婶婶难做，无风扇无紧要啦，坐出面较热都预左，算啦。 美女从洗手间回来后问，风扇不开吗？我就一五一十讲返个故事。女女立即扯火：两个就唔系人呀！姐姐婶婶们一向都会过来跟我地及狗仔打招呼，摸摸狗仔。黑面短髪阿姐再次走来喝止，再次故意责骂职员们：跟我做野唔准玩呀，好得闲无野做咩，唔准玩狗呀！隔离其他食店都好忙，系咪想转工呀！仲要每隔段时间再重复比我听，第三次时我真系火都黎，想爆镬佢讲够未呀！但女友叮嘱我冷静一点。 眼见食客唔多根本唔算忙，姐姐婶婶们礼貌地亲自过来跟我们打招呼就系度妒忌，葡萄职员们跟食客们混熟！你就好自己检讨下态度，黑口黑脸无朋友，一把年纪咁大个人招呼都无一声。搞到职员们远离我张台范围，好似有传染病一样！我要添茶、落单、叫啤酒都要叫到老远，或要等婶婶们路过，您依家玩我地吗！长发姐姐接待路过问：您地唔开风扇吗？ 美女气难下，详述经过。长发姐姐称黑面短发阿姐都经常被投诉态度恶劣，真系唔好意思，不要嬲啊。其实我系替婶婶们不值之麻，为何要为难她们。跟食客们打招呼，做服务业系正常不过的事，莫非好似黑面短发阿姐赶客的态度咩！初来帮衬时，黑面短发阿姐做门口接待，见到有狗仔已百般不满，就算入袋坐室内都多多说话。从此以后我地决定坐室外，狗狗不用辛苦不用入袋呢。唔讲仲以为系老板，经查询后只不过类似主任一名！某日我地坐室外露天，真正老板见我地带住狗仔亦没有任何不悦之色，只是吩附职员加块布垫系凳上给狗狗坐。