家嫂一家大小

营业中

休息中

呢间火锅放题真系坚，虽然要四百中一位，无张限时，可以食到佢收工，真系物有所值，五人以上有架超级无敌刺身船跟餐𩠌嘅，要两个侍应一个搬头一个搬尾咁托过嚟，夸张到爆。架刺生船最劲就系有海胆。餐前小食都有15种畀你拣，当然我哋梗系系咁已食少少啦，留返个肚食后面啲海鲜，因为佢连海鲜都系饮叫嘅，唔似其他地方只系出一盘。小食之后打边炉之前仲有个鸡煲畀你食，我啲friend系咁食，而我就一件都冇食过，留返个肚。佢啲海鲜有鲍鱼、龙趸片、贵妃蚌、珊瑚蚌等，丰富到痴咗线。佢啲煲都几靓㗎。另外佢啲饮品都唔惹少，除咗罐装饮品之外，仲有呢啲杯装饮品，超多款任你拣。