集眾菜館

营业中

休息中

我真系非常欣赏呢间小炒店嘅白胡椒煎鱼鳔，佢呢度嘅鱼鳔半煎半焗嘅煮法令到鱼标本身外脆内软，讲紧嘅外脆唔系好似椒盐九肚鱼炸到卜卜脆𠮶种，而系煎到㶶㶶地，保留到鱼标本身烟烟韧韧嘅口感之余，亦因为𠮶少少嘅㶶㶶地因而等你食嘅时候有𠮶种轻微脆口嘅口感。鱼标本身系有少少腥味嘅，不过就系佢用咗白胡椒做主要配料，所以就可以完美咁样辟走咗啲腥味。呢个菜式系用铁板上菜，保留到个温度，同时亦可以减少鱼腥味，另外芹菜蒜仔呢啲配料亦都因为佢用铁板上嘅缘故所以份外香。另一样呢度正嘅嘢就系呢只德国麦啤，有小麦嘅香味但系又冇苦味，都几易入口，其他地方好似比较少见啲。