豊勝手丼 (已搬遷) 新店位置

公司会计小姐突然饭瘾起，仲话好想食鱼生饭，小肥午前就喺网上睇吓区内有啲咩选择，结果俾细佬揾到一家以北海道闻名o既「胜手丼」起名o既「豊胜手丼」。店内墙身o既黑板以日文道出日本三大市场之一o既「钏路和商市场」最出名食「胜手丼」。小店只有四张四人枱，中午时分最旺，搭枱亦属必然。抬头一望，可见餐店好贴题地用上渔网及贝壳装潢，脑中自然谂起捕鱼业及食海鲜。啱啱旧年同屋企人东瀛游时，从旅游书得知「胜手丼」之来由，喺钏路同函馆更亲身品尝过。XO仔之前喺游记上都有提及到此丼物o既一段故，在此亦想重复多次，希望睇过o既读者唔好嫌小弟长气：「字面上「丼」即「饭」，而「胜手」则可解作为「是但」或「随便」。据超闪旅游书记载，话说十多年前喺北海道钏路，有几个饿著肚子o既穷书生好想食鱼生饭，却因餐厅o既价格过高而转场去直接同啲鱼档老板提出要求，希望可以低价购下卖剩o既鱼生，然后再去买碗白饭自砌鱼生饭。久而久之，鱼市场内就越黎越多舖头散卖白饭同廉价鱼生，任客人「胜手」地（即随意地）拣选鱼生放喺白饭上制出「胜手丼」。」店子明显取此为题，附上彩图简介，任由食客于点菜纸自选丼物之鱼鲜配料。唔想自选鱼材o既朋友唔洗担心，餐