影片
更多
2024-07-28
4143 浏览
眨下眼，BB 6个月大啦（时间真系过得飞快）🥹近近地去咗大埔白鹭湖来个轻旅行！白鹭湖互动中心内有两间餐厅，一间中菜，一间西餐，今次就试下西餐厅Billow 啦 ！Billow嘅建筑本身已经非常打卡，外形系一间欧式纯白色小屋，充满欧洲风情！餐厅有室内及室外位置，由于天气炎热，所以我哋拣咗坐室内，不过室内环境都好好，环境宽倘，我哋仲幸运地获安排坐窗边位置。落地大玻璃可以将白鹭湖及吐露港景色尽收眼底，周不时仲有火车经过，风景超级靓！午市有Lunch Set供应，包田园沙律或餐汤+主菜。我哋各选一样，沙律菜新鲜爽脆，番茄仔味道爽甜，系清新嘅一道头盘。餐汤系甘笋汤，味道天然，如果浓稠一D就更好啦。主菜推荐炸比目鱼柳汉堡($168)，卖相超级吸引。比目鱼柳好厚身，炸至金黄薄脆，内里肉质嫩滑，配搭他他酱、爽脆嘅生菜及清甜嘅洋葱丝，简单好食！薯条即炸，上枱时仲系热辣辣，唔错！老公点咗佢至爱嘅All Day Breakfast($178)，有猪肉肠、烟肉、炒蛋、焗大啡菇、薯饼、车厘茄同吐司。每样食物都调味唔错，如果材料多样化D，放满整个碟，感觉会更丰富。甜品额外点咗Apple Crumble，餐厅帮我哋
Billow嘅建筑本身已经非常打卡，外形系一间欧式纯白色小屋，充满欧洲风情！餐厅有室内及室外位置，由于天气炎热，所以我哋拣咗坐室内，不过室内环境都好好，环境宽倘，我哋仲幸运地获安排坐窗边位置。
落地大玻璃可以将白鹭湖及吐露港景色尽收眼底，周不时仲有火车经过，风景超级靓！
午市有Lunch Set供应，包田园沙律或餐汤+主菜。我哋各选一样，沙律菜新鲜爽脆，番茄仔味道爽甜，系清新嘅一道头盘。
餐汤系甘笋汤，味道天然，如果浓稠一D就更好啦。
主菜推荐炸比目鱼柳汉堡($168)，卖相超级吸引。比目鱼柳好厚身，炸至金黄薄脆，内里肉质嫩滑，配搭他他酱、爽脆嘅生菜及清甜嘅洋葱丝，简单好食！薯条即炸，上枱时仲系热辣辣，唔错！
老公点咗佢至爱嘅All Day Breakfast($178)，有猪肉肠、烟肉、炒蛋、焗大啡菇、薯饼、车厘茄同吐司。每样食物都调味唔错，如果材料多样化D，放满整个碟，感觉会更丰富。
甜品额外点咗Apple Crumble，餐厅帮我哋写字庆祝，可惜食到甜品环节，BB已经体力透支，呼呼大睡，哈哈！呢个apple crumble同平时食到嘅有D唔同，少佐香脆嘅crumble，取而代之嘅系满满嘅苹果肉粒！苹果肉酸酸甜甜，充满肉桂香，不过个人觉得都系有crumble会更有口感呢！
加 $15/$30可加配茶或咖啡，点咗咖啡，因为一边呷咖啡，一边饱览美景，实在太惬意啦！
整体食物质素虽然中规中矩，但呢度嘅环境实在太靓，大人来呢度绝对有度假嘅感觉。而且呢度嘅服务都令我好impressed，店员非常友善，会主动同BB玩，仲特地开咗间房俾我哋帮BB换片，非常感激🥹帮我哋影相都好有耐性，会哄BB望镜头，超级nice！食完饭去出面嘅白鹭湖行下，perfect嘅行程！BB玩得好开心！
PS1. 餐厅出面有泊车位，大约有40个位。餐厅消费可以免费泊车。
PS2. 大埔站附近有白鹭湖免费接驳小巴🚌
张贴
