沾仔記麵食

营业中

休息中

行街随机入佐嘅铺头，谂住平平地食一餐顶肚。结果开盲盒有惊喜。一碗三拼粉面，有鲜虾云吞、牛肉、鲮鱼球，单拼35，双拼41，三拼47。价钱公道，重点系用料够晒诚意。一粒鲜虾云吞入边竟然有4只鲜虾，食落啖啖肉，好满足啊。同埋鲮鱼球大粒到成只煎饺甘，真系好大方好有诚意做生意啊。仲有佢地台面嘅辣椒油加入汤粉都好好味。虾籽捞面，好弹牙嘅面底，兼且真系密密麻麻嘅虾籽挂面。仲点佐通心菜 + 酸辣炸云吞，脆炸嘅云吞皮加饱满鲜虾肉，点甜酸酱，风味十足。如果一个人来食，简简单单一碗面，一百蚊有找食到好满足。