源記甜品小食

营业中

休息中

西环源记结业之后，一直都好挂著佢，知道系天后重开，就专登过嚟试吓。佢拥有170年历史，主打中式糖水，最出名的就是桑寄生莲子茶、合桃糊、杏仁露、芝麻糊以及鸡蛋糕。宜家今由第四代接手，令呢啲传统重现。桑寄生莲子茶其实最出名系佢啲莲子，人手逐粒去芯，粒粒松化，春天饮祛湿，秋天饮滋润。合桃糊、杏仁露、芝麻糊用原材料制作，浸，焗，炒再用石磨生磨。幼滑又够香。鸡蛋糕只系用蛋，糖，面粉制造，真系食得出蛋香。以前旧铺剩系得热糖水，宜家仲有冻选择。而且新增好多传统街头小食，炸油糍、炸鸡全翼、自家制萝白糕，多咗好多选择。