影片
更多
2016-04-19
6467 浏览
今日表姪女百日宴，被邀请到佐敦童军总会既金陶轩。如果系坐轮椅嘅，除咗可以系佐敦地铁站出，仲可以喺尖沙咀站经iSquare出口，穿过柏丽大道转左入九龙公园入口方向，就会去到。原先以为会食一啲正常酒席，点知表哥既安排非常有惊喜，菜单上边都有几个得奖菜式。因为唔系每一碟𩠌都影相，所以只系介绍几款。唔记得讲，依间餐厅采取会员制，唔系会员应该食唔到？（我唔肯定） 丽影红纱卷。睇个名真系唔知咩嚟，到上菜见到实物𠮶一刻，都系唔知咩嚟。经过耐心既侍应介绍，外面𠮶层炸既野（应该系米粉）包住左一块牛肉，再将个酱放入中间空心个位，仲可以放入口啦。外面𠮶层炸嘅嘢，非常松脆。入面块牛肉虽然有啲烟韧，但系松脆既外层相映成趣，加埋特别调制嘅酱汁，都算唔错。 紫袍罗汉烩龙皇。依一味𩠌，总共分为三部份。第一部份，系一块米通陪一件虾球，伴以带微辣既烧汁。第二部份，系原只大虾，比一块非常薄身既茄子包住虾身，伴以带咸既烧汁。第三部份，系一块日式紫菜卷，伴以带甜既烧汁。三个部份，各自都十分好食，味道都几有层次。但系整体嚟讲，好似三碟𩠌放埋一齐。 糖醋一字骨。三碟得奖菜式，依一味最好食。首先摆设都非常靓，好似一
如果系坐轮椅嘅，除咗可以系佐敦地铁站出，仲可以喺尖沙咀站经iSquare出口，穿过柏丽大道转左入九龙公园入口方向，就会去到。
原先以为会食一啲正常酒席，点知表哥既安排非常有惊喜，菜单上边都有几个得奖菜式。因为唔系每一碟𩠌都影相，所以只系介绍几款。唔记得讲，依间餐厅采取会员制，唔系会员应该食唔到？（我唔肯定）
丽影红纱卷。
睇个名真系唔知咩嚟，到上菜见到实物𠮶一刻，都系唔知咩嚟。经过耐心既侍应介绍，外面𠮶层炸既野（应该系米粉）包住左一块牛肉，再将个酱放入中间空心个位，仲可以放入口啦。
外面𠮶层炸嘅嘢，非常松脆。入面块牛肉虽然有啲烟韧，但系松脆既外层相映成趣，加埋特别调制嘅酱汁，都算唔错。
紫袍罗汉烩龙皇。
依一味𩠌，总共分为三部份。
第一部份，系一块米通陪一件虾球，伴以带微辣既烧汁。
第二部份，系原只大虾，比一块非常薄身既茄子包住虾身，伴以带咸既烧汁。
第三部份，系一块日式紫菜卷，伴以带甜既烧汁。
三个部份，各自都十分好食，味道都几有层次。但系整体嚟讲，好似三碟𩠌放埋一齐。
糖醋一字骨。
三碟得奖菜式，依一味最好食。首先摆设都非常靓，好似一座宏伟建筑物。香味闻落去有啲带酸，但系咬落去，有好香嘅蜜糖味，酸酸甜甜，肉身嘅表面仲有啲脆口。
脆皮椰子鸡。
依一碟我就冇影相，简单来讲就系炸子鸡，肉同肉中间有啲椰子酱。我其实觉得两者非常之唔夹，食咗一件就停手。
张贴
