全日雞實驗所 (通菜街)

营业中

休息中

睇到某youtube频道特登慕名而来，大约早上11点45分到埗，已经开始要等位先入到座。门口派位后自助落单形式，店头店员都系讲齐要讲嘅指定语句，环境陈设都系行简洁风，俾到人干净企理感觉。小店经营，繁忙时间坐得逼狭系可以体谅同理解。温泉鸡系本店招牌重心，瑶柱肉饼同样吸睛，order咗份1号餐+$13肉饼，务求一网试尽。温泉鸡皮爽肉嫰，可见研发同执行功力能贯彻始终，唯独鸡味欠缺所谓肉香，但用价钱嚟睇已经收货。油饭、味附青瓜正常味道，号称冇味精嘅汤确实系冇味精，调味偏向清淡。瑶柱肉饼调味出色，唯肥肉偏多，爱健康人士未必喜欢。柚子蜜系新品推介，味道正常。总括而言，此店定位明确，性价比高，之后喺附近行开会再嚟试其他配搭。