影片
更多
2013-07-11
63 浏览
盛夏！外面气温热爆，走落地库，叹杯雪糕，爽晒啦！家乐坊商场个地库转型之后，旺咗好多，好几间食肆都长期有条小人龙。不过，之前近门口嘅Tutti Frutti，斋卖乳酪，太过单一，生意唔易做，尤其乳酪疯一过，好易无以为继，都仲未帮衬过就俏俏消失咗。换嚟新开嘅Spade by Lassana，由于店子唔单止主打法式雪糕，更有自家烘焙嘅咖啡、酥饼、精致嘅甜点，以及特色三文治，感觉更全面，嚟当正餐又得，下午茶小歇又得，饭后甜品都得，今晚就同朋友嚟个巨型雪糕、甜品小派对，让盛夏变成美味盛会！店子设计非常简约，白枱白櫈予人光洁明亮，门口大大个红底白字招牌，甚为抢眼。全店主要都喺啲活动二人枱，可以互相拼合，我就最钟意门口介绍Lassana Toast个易拉架，写住「欢迎拍照」，你啲嘢掂嘅，唔会怕被人抄，好食嘅又自然被人放上网推介，好过嘥钱卖广告啦！翻翻餐牌，原来都有几多嘢食，为免净食雪糕、甜品感觉太寡又太漏，先嚟两客三文治共享，垫垫肚，打打底。餐牌中嘅「Lassana All Day Set」，就喺店中嘅包点套餐，一共有6款面包供应，包括：巴马火腿法式香草包（$39）、三文鱼法式墨汁包（$39）、三文
店子设计非常简约，白枱白櫈予人光洁明亮，门口大大个红底白字招牌，甚为抢眼。全店主要都喺啲活动二人枱，可以互相拼合，我就最钟意门口介绍Lassana Toast个易拉架，写住「欢迎拍照」，你啲嘢掂嘅，唔会怕被人抄，好食嘅又自然被人放上网推介，好过嘥钱卖广告啦！
翻翻餐牌，原来都有几多嘢食，为免净食雪糕、甜品感觉太寡又太漏，先嚟两客三文治共享，垫垫肚，打打底。餐牌中嘅「Lassana All Day Set」，就喺店中嘅包点套餐，一共有6款面包供应，包括：巴马火腿法式香草包（$39）、三文鱼法式墨汁包（$39）、三文鱼碎蛋牛角包（$39）、火腿三芝士牛角包（$34）、牛油果鸡肉沙律三文治（$36）及凯撒鸡肉卷（$34）；另外，亦可加钱配是日餐汤、咖啡或茶（可选$30或以下热饮，如多过$30嘅需要补回差价）、Lassana雪糕（细杯装），收费为+$20选一款，+$35选两款同埋+$45选三款，弹性颇大，食多食少，要汤定要咖啡，一切都好自主。
牛油果鸡肉沙律三文治 $36整体卖相不俗，三文治伴有杂菜沙律同烚蛋，而沙律菜新鲜度十足，亦食得出加咗少少油醋捞过。份三文治唔喺就咁用上普通方包，包边香脆带点柔韧，而包心添加咗点黠香草，主材料嘅牛油果鸡肉沙律非常足料，不过牛油果偏少，鸡肉就好多，配上酸香嘅沙律酱，真喺几正。而配菜仲加入埋青瓜、蕃茄、洋葱，制作用心嘅一份三文治。
三文鱼法式墨汁包 $39加咗墨鱼汁所做成嘅法包，除外观好「墨汁」之外，味道又未至于啖啖墨鱼味咁，不过入口咸咸哋，个包身又挺香脆。同样加有青瓜、蕃茄……等配料，配合埋咸鲜嘅烟三文，入口味道富层次。
南瓜汤（All Day Set补钱选项）店中好似无单售餐汤嘅选择，所以无单价比大家参考，而是日餐汤有南瓜汤及野菌汤，小弟拣咗前者。南瓜汤色泽深橙，滔一羹仲见到丝丝南瓜蓉，南瓜味非常突出，味道带甜，足见落足料，不过口感较粗，撞多少少忌廉相信效果会再好啲！
鲜奶咖啡Caffe Latte（All Day Set补钱选项，单售中杯$28，大杯$32）饮品有唔少类别，以咖啡最多选择，晌近期一本饮食杂志得知，原来店主之一喺大赛中冠军级人马，除经验丰富之外，更有唔少专业资格，据讲店中咖啡全部自家晌工场炒豆、烘焙，依个已经喺一个亮点啦！除咖啡以外，仲有花茶、朱古力，仲有几款沙冰，大热天时就啱晒啦。鲜奶咖啡喺小弟偏好，所以今晚都喺拣佢，既然老细对咖啡有要求，自不然都要求店员冲出最好嘅咖啡奉客，拉花细腻晌卖相先拔头筹，饮落奶泡好丰厚，如丝柔滑，而以据店员讲，佢哋啲咖啡豆嚟自巴西、尼加拉瓜、萨尔瓦多几国，咖啡因会相对低，而入口有轻轻果香，唔点带酸味，正！
阿法奇朵Affogato（All Day Set补钱选项，单售$40）朋友点咗一杯阿法奇朵，唔喺因为钟意，纯粹因为好奇，睇餐牌嘅描述：一球雪糕拼双份意式浓缩咖啡，甚有卖点。由于佢分类于饮品中嘅「意式浓缩咖啡」一栏里面，令我哋误以为佢都喺一款饮品，具体嚟讲，应该喺一款甜品至啱，原来喺澳洲当地一款有名嘅甜品，雪糕之上淋上热辣辣咖啡。端上嚟嘅阿法奇朵，以透明玻璃杯盛载，一大球云呢嗱雪糕望见已有啲透心凉嘅感觉，而意式浓缩咖啡香气四溢，比起就咁食咖啡雪糕，咖啡味更鲜活跳脱！
宇治金时（All Day Set补钱选项，单售细杯$32，中杯$36，大杯$40）其实店内所售卖嘅杯装雪糕有两种形式，一种喺「Make Your Own」嘅车仔雪糕，由拣几多球雪糕、要唔要窝夫杯、加几多样配料都由你话事；而另一种喺「Lassana Ice Cream」嘅设定配搭，由7款基本口味嘅雪糕，加两至三样配料而成嘅指定款式。宇治金时，将绿茶雪糕放晌冰板炒至软滑，放上日日鲜制嘅窝夫杯内，再加埋日本丸子，淋上红豆，就成为好和风嘅指定款式，不过，今晚无丸子供应，有点可惜，但店家揾咗「金宝」（Crumble）代替，效果又唔错㖞；另外亦可以好似我哋咁要求炒雪糕时加入红豆同炒，咁食起嚟红豆就更「匀巡」，红豆入口清甜，金宝香脆唔太重牛油，而绿茶雪糕茶味浓郁，由于店方所卖嘅喺法式雪糕，即喺制作时入加鲜忌廉，所以口感更柔滑丰厚，再者，据介绍全部雪糕都喺晌工场自家生产，不单百分百本地制作，仲日日新鲜制造，贵一点都值啦！
虽然上面个宇治金时已经喺到咗甜品时间，但只喺热身，未入正题！Lassana Toast先喺是晚焦点，再加埋见佢铺尾个饼柜有几款精致嘅法式甜点，忍唔住都要试番两款先至满足而回。野莓盛会 $88
一系列Lassana Toast共有8个款式，卖$78-$108，大大份嘅「多士」都可供2-4人享用。全部都以自家焗制嘅面包做多士盒，加上不同味道嘅雪糕球，唔同嘅鲜果及配料组合，就成为各有特色嘅Lassana Toast。温馨提示，因制作需时，要等上等15-20分钟。
多士盒之上，以草莓及杂莓雪糕为主角，唧上鲜忌廉，加入草莓、蓝莓、野红莓几款鲜果，再用上草莓味马卡龙同草莓味百力滋为装饰，最后就淋上草莓味糖浆，就变成不单卖相有睇头，仲配衬得非常之靓嘅「野莓盛会」！依份大堆头嘅忌廉、鲜果、雪糕已经令人食得津津有味，浅红色嘅草莓雪糕富奶香，又够晒滑，而深紫色嘅杂莓雪糕莓味浓郁；忌廉采用法国总统牌，挺身得嚟依然幼滑香甜，但惊喜岂止于此。多士盒用上丹麦方包，真喺不惜工本做到最好，食起嚟更酥香柔韧，带有牛油香，就算捞埋忌廉同雪糕，绝对唔会有「发水面包」嘅感觉；仲有「盒内」暗藏玄机，原来内藏住一粒粒嘅蜜糖多士粒，可谓极尽心思，多士粒渗出清香蜜糖味，个野莓盛会确实超正，值得推介！就算等十零分钟，都绝对值得。
蓝莓芝士挞 $28饼柜所见共有4款法式甜点：杂莓挞、蓝莓芝士挞、柠檬挞及红桑子拿破仑蛋糕。店员话蓝莓芝士挞喺店中人气，所以先试依个。外观做得极精巧细致，尤其挞面嘅蛋白马令，经火枪轻熨，做得外脆内软；而挞身芝士味浓，带少少酸，变得无咁「漏」，再者，蓝莓好鲜甜，咁有水准都只卖$28，真喺颇为抵食，不愧店中人气。
柠檬挞 $22相比起件蓝莓芝士挞，柠檬挞就嚟得较平实，不过，质素不惶多让。挞底做得好薄，内里填满厚厚「柠檬馅」，柠檬香味好突出，清幽酸香，非常醒胃，用上新鲜柠汁果然喺唔同啲！卖$22，又喺抵食之选。
大家对今晚个巨型雪糕、甜品小派对好满意，都食得好满足，若能够人脚多啲，真喺仲想试埋佢个特色甜品套餐「惊喜甜品三重奏」呢！无论雪糕、冻饼、三文治，抑或饮品，处处睇出小店嘅诚意。
张贴
