影片
更多
2006-10-23
71 浏览
坦白讲, 我不嬲对联邦集团都冇咩好感, 无他, 咪就系觉得佢地d野唔好食, 名大过实啰! 但好衰唔衰, 屋企人无啦啦话去呢间野试下㖞, 话佢新开张都未试过, 于是咪怀著呢个15/16心情, 博一博啰!冇订位就去食晚饭, 好彩都比较早, 一行五人唔使等位, 地方大, 好光猛, 环境唔错! 侍应招呼都算ok!咁我地叫左片皮鸭两食, 上汤蒜子浸豆苗, 豉油王蒸豆腐, 例汤(西洋菜煲猪肺), 同埋生炒糯米饭! 片皮鸭两食之第一食片皮鸭, 特登叫佢地揾一只瘦d, 皮好香好脆, 片得都好薄, 而配片皮鸭粉皮亦都好薄, 食落唔会成口油, 几好味; 片皮鸭两食之第二食七彩炒鸭丝, 鸭丝好松, 一d都唔老, 配上味菜芽菜一齐炒, 好爽好惹味, 好七彩同埋好开胃添; 上汤蒜子浸豆苗, 豆苗好嫩, 个汤好清, 几好; 豉油王蒸豆腐, 豉油唔会太咸仲有少少甜咁, 豆腐好滑, 唔使咬都吞得, 一流; 例汤(西洋菜煲猪肺)足料, 冇味精好味; 生炒糯米饭, 糯米烟烟韧韧, 好有咬口, 妈妈仲话佢真系生炒冇蒸过, 炒得好好味, 系d虾米味太咸同埋太大只, 有d恐怖! 不过最后我地都系一件不留, 全部食晒! 再叫左B
冇订位就去食晚饭, 好彩都比较早, 一行五人唔使等位, 地方大, 好光猛, 环境唔错! 侍应招呼都算ok!
咁我地叫左片皮鸭两食, 上汤蒜子浸豆苗, 豉油王蒸豆腐, 例汤(西洋菜煲猪肺), 同埋生炒糯米饭! 片皮鸭两食之第一食片皮鸭, 特登叫佢地揾一只瘦d, 皮好香好脆, 片得都好薄, 而配片皮鸭粉皮亦都好薄, 食落唔会成口油, 几好味; 片皮鸭两食之第二食七彩炒鸭丝, 鸭丝好松, 一d都唔老, 配上味菜芽菜一齐炒, 好爽好惹味, 好七彩同埋好开胃添; 上汤蒜子浸豆苗, 豆苗好嫩, 个汤好清, 几好; 豉油王蒸豆腐, 豉油唔会太咸仲有少少甜咁, 豆腐好滑, 唔使咬都吞得, 一流; 例汤(西洋菜煲猪肺)足料, 冇味精好味; 生炒糯米饭, 糯米烟烟韧韧, 好有咬口, 妈妈仲话佢真系生炒冇蒸过, 炒得好好味, 系d虾米味太咸同埋太大只, 有d恐怖! 不过最后我地都系一件不留, 全部食晒!
再叫左B仔凉粉同杨枝金露做甜品, 不过我冇食, 佢地就话好好味, 特别系B仔凉粉㖞, 可能好难得有凉粉食啦, 所以佢地都好满足; 水果有菠萝; 西瓜同哈蜜瓜, 全部都好清好甜, 特别系菠萝, 绝对冇浸糖水架!
总括黎讲一般家常便饭都做得几好, 唔知酒席会系点呢? 有d期待! 我谂应该会再黎帮衬! 埋单比埋贴士都系$600, 都算抵食! 对联邦集团都算改观左, 希望佢地可以继续努力啦!
张贴