聯邦金閣酒家

营业中

休息中

朋友介紹這酒樓有蝦多士，還幾好食，貪食既我，一直想來試。剛巧附近一百貨公司大減價，購物便利下，便來一食。蜜汁叉燒腸，太多芫荽，唔啱食，酒樓應該註明係芫荽蜜汁叉燒腸，對於唔食芫荽既我，咁就一定唔會叫。醬皇蒸鳳爪剁椒蒸魚雲，好耐好耐無在酒樓食到，一見有即叫，小小辣，魚頭很新鮮，再有2塊豆腐在底，最正係個汁，正，下次會再叫。山竹陳皮牛肉球，料足。蟹籽燒賣皇芝麻蝦多士，唔錯，幾好食，朋友無介紹錯黃金芝麻球，個樣好靚，但皮太厚，因皮太厚，食落好油膩。

星期六二人去左呢間酒樓食小菜，由於看到樓下廣告張貼“上湯焗開邊波士頓龍蝦“ $138/半隻(二位起)，於是上去打算點此菜，上到去跟男職員點此菜，他說“2人要點1隻龍蝦，如果點半隻，剩返個半隻咁點？” 我真係聞所未聞，從來去酒樓標左半隻價都可以照叫，未試過要被人逼點1隻，仲要問返你剩返個半隻點，如果你寫明1隻起我明白，但冇寫明，到點菜先逼你點1隻，我覺得完全係詐騙，欺騙顧客入場，我覺得呢種銷售手法十分不良，我地之後都聽到隔離枱也有同樣問題，打算點此菜，亦被職員以2人需點1隻龍蝦為由，逼點1隻龍蝦。我地最後冇點龍蝦，點左燒雞，食食下發現雞底竟然有啲牛肉同冬菇，究竟點解會有呢啲野我地都唔想追究，只係唔想再光顧呢間酒樓，同提醒各位唔好俾呢間酒樓欺詐，實在太無良。

今晚跟家人提前慶祝冬至，因有家人於冬至期間外遊。餐牌上的六人套餐價格有些昂貴，大約是兩千六百元，於是我們決定選擇按餐牌單點了以下菜式：-1. 金銀蛋浸豆苗：這道菜的豆苗嫩滑無渣，非常不錯。2. 花膠海皇燴魚翅：魚翅湯汁濃稠度恰到好處，花膠味道很好，蝦肉的鮮甜也增添了豐富的口感3. 香滑貴妃雞：這道雞肉非常嫩滑，充滿了鮮美的雞味。4. 龍蝦三寶： - 生猛龍蝦淮山麵：龍蝦口感鮮爽，淮山麵非常適合長者食用。 - 鹽燒鮮鮑魚：上菜時，還以為鮑魚會很嚼勁，但實際上吃起來非常鮮美。 - 招牌靚叉燒：這款叉燒瘦肉比較多，但勝在有燶邊，非常香口惹味。5. 招牌欖角醬金薯骨：這道菜的味道酸甜開胃，非常不錯。此外，我們還點了一道魚（不太記得是什麼班），它蒸得剛剛好，肉質鮮嫩，非常美味。整體來說，這裡用餐的環境和服務都不錯，與家人一起渡過了一個開心愉快的晚上，埋單總共一千八百元，物有所值。

一行四人去食龍蝦晚飯三寶，故事系我地叫左呢個餐，轉左伊面底點知都系嚟淮山麵，重新上過菜後都系啖已無味，非常失望，員工態度能夠正面處理更好，我來之前都睇過食評，但真無諗到差成咁，竟然系麵有麵整蝦有蝦。

很久無去過聯邦酒樓飲茶，印象中傳統中式酒樓点心應該唔會差得去邊。点知無樣得，叉燒酥超勁嗅油抑味，雞包仔包皮好韌，唔新鮮。腸粉皮厚過鬼。蝦餃不過不失。走嘅時候係12点半左右，但都係無乜人飲茶，有嘅都係上咗年紀嘅客人居多，價錢九龍嚟講又唔貴嘅，但真係幾失望，聯邦都攪到咁樣。

Wanna try some new cha liu and we go to Golden Federal Restaurant, having christmas trees decoration and playing christmas songs, strong festival feeling haaa, the food tastes nice and in good quality BBQ pork tart is tasting yummy, with very nice crispy layerBeef Rice roll having smooth textureNot many cha liu having Chinese preserved sausage bun now, and we found this here, though i found sausage not too yummy, they are simply covering sausage by dough, lolll, but disappointedBBQ pork bun is i

以前好好食，所以今日咁啱行過，諗住上嚟一試，排隊入座等咗半個鐘，客人keep住有好多，最初以為應該唔差，點知...伏到喊除咗蝦餃燒賣同豬腸粉，其他食物都係不知所謂！沙嗲魷魚係紅色嘅...蒸餃好明顯係已經凍壞咗...黑椒牛仔骨無黑椒味都算，隻味直頭係唔知咩來...店舖員工並唔多，想叫個人遞單，埋單，基本上都要等15分鐘以上，完全唔明點解咁嘅難食酒樓都可以有咁多人去食，水準唔係below average咁簡單

COVID--19疫情下，盡管防疫措施稍為放寛，恢復晚市堂食，我們仍很少外出吃晚飯，趁端午節去慶祝吓，提前預訂了佐敦百加士街潮尚館 (網上評價挺高的潮州菜館)準時到達，站在門口，才發現已經換成“椰子雞煲”(試業中)，我們家做節不吃火鍋，惟一改地方。臨時臨急找家酒樓，想起油麻地永安百貨樓上的聯邦金閣，好彩有位。端午節晚餐，我們點了以下的：#果皮蒸鮑魚：有６隻，肉有點韌，應該是 overcooked。#清蒸花尾斑：挺大１尾，火候控制得宜，魚肉嫩滑，配白飯吃，一流。#美極煎海生蝦：也有６隻，不新鮮，６隻蝦頭都掉了，蝦肉毫無彈性，差評。#脆皮富貴燒雞：廣東人無雞不成宴，做節必吃雞，雞皮燒得脆卜卜，雞肉 juicy，好吃！#米湯鮮竹浸莧菜：份量足，清淡之選。

香港在七.八十年代的手作懷舊點心.現今好難搵到及品嚐.就算有都不及前的好味道！現今香港有的是新派製作.包括食材物料偏貴.人工及時間各種因素.都未能達到前人目標.現今社會做乜都要快.時間就係金錢.所以未能做到慢工出細貨.前人的味道怎能持續做到？話說前幾日有位網上YouTuber介紹.聯邦金閣有懷舊蛋黃千層糕及芝麻蝦多士.味道還不錯！所以今日專程到來試吃！試食結果如下：總評核有👍👍👍👍👍是次評核有👍👍👍

一個人的早茶 一早出到市區 茶餐廳唔岩食 上左樓上酒樓開茶位食點心當早餐香煎脆臘味蘿蔔糕 小籠湯包 每款3件 自己搵位坐低 開茶位後十分鐘就食得 蘿蔔糕夠香脆咬開入面有臘肉粒同蘿蔔碎加點辣醬已經相當唔錯小籠包肉餡湯汁不多,但味道夠濃 個皮唔厚味道合格 可配醋食味道更豐富漏單一碟,時間唔夠就只試了2款部長服務態度唔錯,主動跟單平均消費$70評分8/10佐敦彌敦道345號永安九龍中心8樓

第一次寫食評, 經理態度惡劣, 竟然把員工的失誤放在客人身上, 責罵客人.叫了3次埋單, 3位員工都忘記, 只忙著跟熟客聊天. 最後茶價優惠過了才有經理結帳, 當客人詢問時, 經理態度差, 用責罵的語氣,問客人為何不自己出去埋單, 其實只要經理解釋清楚, 客人會明白.有點驚訝,身為經理,態度差, 怪責客人, 說話技巧欠缺, 又無禮貌. 好多有心的好酒樓都因疫情結業, 沒有辦法經營, 但聯邦金閣的經理連基本的服務態度都無, 無心工作.唯一的優點是總經理的態度, 肯聆聽客人的反映, 那位經理應該好好跟他學習.

早前同多位朋友來到九龍區聚餐，大家都打算吃中菜之際，來到這間位於佐敦同油麻地之間的永安樓上的聯邦酒樓第一次來到聯邦酒樓吃飯，這家有點歷史的食肆，原來質素都唔錯👍🏻👍🏻👍🏻而且價錢好實惠！！北京填鴨，片皮鴨，做得唔錯，鴨唔會太多肥膏，肉都算嫩，外皮酥脆可口，做得唔錯，好過好多以片皮鴨做賣點嘅餐廳，例如乜乜鴨子！朋友們仲叫咗個唔知咩蝦球，做得唔錯，醬汁好香口，如果大家想食可以照住張相叫！炸子雞冇得輸，外皮相當酥脆，肉質相當嫩滑！！口肉多汁，高質之選！必叫 ！海鮮嘅嘢都係時令價格，調味做得唔錯，而且唔會過分熟，有咬口同時保持嫩滑質感！

著西裝嘅人行來行去，叫極都唔得閒應人食物質素一般般竟然連找錢都找少座位間隔太窄，疫情都後期了還是之前嚴重時嘅佈局今早9點幾去就見到有幾張枱『被訂座』如果只是做附近街坊生意而欺負新客的話，那麼早點換招牌是理所當然的結果自從換了店址後去幾次，竟然各方面越來越差今時今日，生意難做？有酒樓關門，有酒樓卻大把人排隊等位。服務極差，卻難請人。不思進取還要阿爺派錢，越白白派錢，人就會越懶，服務質量越來越差，墮落到一個點，勸喻不要再幫無恥之人

今日同三個 friend 出去食，諗住貪方便又見幾多人排隊，但其實虛有其表。首先鮮蝦腸，個啲蝦成陣雪味同埋凍嘅，豉油又冇味，竟然收費$22.8。其次，糯米雞啲醬汁完全未煮熟，同樣收費$22.8，之後餡料少之有少。第三，燒賣就有陣怪味仲要唔個點解有嚿綠色嘢。服務態度方面，一開始叫服務員執枱，佢竟然大聲呼喝我哋，想取消個粥又勁耐，大約十分鐘，總共浪費了我地九個字。🤬🤬🤬🤬總結，又貴又唔好食，服務態度又差，手腳又慢，以後都唔會再食，強烈建議大家唔好食呢間。

疫情之下一家人已好少飲茶，現在疫情緩和，酒樓又容納6人一枱，酒樓生意好轉了許多。今天陪父母油麻地看醫生，便順便約他們飲茶。這間酒樓位於永安百貨樓上的大廈，我知道是因為我的保險經紀的公司之前也設辦公室在這幢商廈內，之前約他交表格時上過這幢大廈。那次已經驚訝於一幢商廈，竟有一層是食肆租用，一般遊人實在不易找到。食物方面沒有特別評論。特別想講講服務。第一，侍應服務真的不好，揀了點心寫了紙，舉手舉了5分鐘，也沒有人來招呼。侍應未必缺人手，可能真的不勤力，我要交點心紙到櫃枱給經理，而經理不會覺得不好意思。第二，大家見到附圖，酒樓為確保客人相信碗筷清潔，將幾個水煲置於大堂中間，裡面灼著筷子碗碟等，像要餵嬰兒飲奶的父母在家用熱水消毒奶瓶般。這點我不肯定應該是讚賞還是如何，只想說我離遠看以為是賣食物。最後埋單發生的插曲亦是我覺得最憤怒的地方，就是職員過完信用咭後只給回我信用咭收據，卻沒有給回我信用咭。我自己亦無為意，到我去完廁所，太太說我忘記拿回信用咭，但其實是收銀職員忘記把信用咭交給我。你說這間酒樓的服務如何? 上至經理，下至收銀，都是在「扮工」而不是返工!