輝哥私房菜 (已結業)

近排天气开转凉，咁当然去打边炉就最好，今晚同朋友去了间唔错嘅火锅店，虽然佢有私房菜，不过今就系打边炉，而未选汤底前，店员就推介了呢个山西火麻茶，入口口感清新，因为有助抗衰老、失眠、降三高等效用，咁今晚就唔使怕啦！而汤底选了浓味嘅沙爹锅$58，而牛当然系特级安格斯牛颈脊(大)$298，根住都系想吃嘅丸丸，同饺饺，个汤底一望就真系够晒浓郁，大大碟牛颈脊，切成一片，上面嘅雪花肥纹完全清晰可见，一放汤一拖便可以入口，肉质软熟嫩滑，正！而个自家制四宝丸$98，当中个流心咸蛋猪肉丸坚正，入口时嘅感觉就好似食紧咸蛋蒸肉饼嘅感觉，正，还有个手打芝士鲜虾丸亦十分好味，烟韧弹牙，加埋入口流心嘅芝士，绝对系必吃推介！其余嘅手打牛肉丸亦唔错！加埋个招牌炸响铃$48，一个字脆，即叫即炸，非常脆口，放汤一下，就要立即入口，否则整条容化！餐厅位置就系好多韩食为主嘅金巴利道尾，虽然要行多少少，但食物质素同价钱绝对相宜，天气凉又系一个同朋友围埋一齐打边炉嘅好地方！