影片
更多
2017-08-05
60 浏览
见到openrice话好食，抵食，结果今晚就黎左试下，谂住质素唔会太差，最多只系普通，点知质素差到极，一寿司竟然仲好食过佢。一埋位，叫左$69鳗鱼饭，烧牛肉饭双并，$39带子刺身，$14鳗鱼寿司一件（元气比佢平），$32火龙卷（4件），$35软壳蟹卷（4件），$9飞鱼籽军舰寿司一件。先饮佢d茶，好得意地系酒楼啲水仙茶，正正常常啦。等左一阵终于上菜，因为冇谂过会中晒伏，冇影到相，只影左味噌汤。首先先黎个带子刺身，两片带子之间有半片柠檬，食落去……哗，原来系分子料理黎！柠檬味带子！一入口，好咸，好重柠檬味，口感唔软滑，更加唔好谂住佢有鲜甜味。鳗鱼饭，上面劲多芝麻，淋左少少鳗鱼汁。3片超薄鳗鱼，唔知有冇2mm，当下立即非常佩服厨房师父刀功，竟然可以切到薄过茶记啲柠茶柠檬片。一入口，未咬已经食到好重芝麻味，一咬，零鳗鱼味，只食到平价鳗鱼汁既甜味，饭系超淋，未至于粥仔咁，但好难入口，冇咬口可言！烧牛肉饭，外表同吉仔牛肉饭冇分别，完全冇“烧”过，洋葱唔淋。牛肉味道同吉仔差唔多，只系比吉仔咸同甜，食左几片牛肉就忍唔住挟左过对面，至于啲饭淋满左所谓牛肉汁，牛肉汁同鳗鱼汁一样，都系好甜，总结黎讲，啲饭就
一埋位，叫左$69鳗鱼饭，烧牛肉饭双并，$39带子刺身，$14鳗鱼寿司一件（元气比佢平），$32火龙卷（4件），$35软壳蟹卷（4件），$9飞鱼籽军舰寿司一件。
先饮佢d茶，好得意地系酒楼啲水仙茶，正正常常啦。等左一阵终于上菜，因为冇谂过会中晒伏，冇影到相，只影左味噌汤。
首先先黎个带子刺身，两片带子之间有半片柠檬，食落去……哗，原来系分子料理黎！柠檬味带子！一入口，好咸，好重柠檬味，口感唔软滑，更加唔好谂住佢有鲜甜味。
鳗鱼饭，上面劲多芝麻，淋左少少鳗鱼汁。3片超薄鳗鱼，唔知有冇2mm，当下立即非常佩服厨房师父刀功，竟然可以切到薄过茶记啲柠茶柠檬片。一入口，未咬已经食到好重芝麻味，一咬，零鳗鱼味，只食到平价鳗鱼汁既甜味，饭系超淋，未至于粥仔咁，但好难入口，冇咬口可言！
烧牛肉饭，外表同吉仔牛肉饭冇分别，完全冇“烧”过，洋葱唔淋。牛肉味道同吉仔差唔多，只系比吉仔咸同甜，食左几片牛肉就忍唔住挟左过对面，至于啲饭淋满左所谓牛肉汁，牛肉汁同鳗鱼汁一样，都系好甜，总结黎讲，啲饭就系超甜又劲淋！
火龙卷，样子正常，可惜食落一样咁伏，一咬落去就系沙律酱味，天妇罗虾唔脆冇虾味我已经唔惊讶，唯一可以赞系寿司饭份量适中，但一样咁淋！
软壳蟹卷，样子正常，但唔脆，更加冇可能食得出软壳蟹既油脂香味！
至于咁多款寿司，已经唔想讲，鳗鱼比鳗鱼饭上既鳗鱼厚身啲，但唔软滑唔香，唯一好既地方系啲骨已经去晒，其他已经唔想打，总之一样都系伏。
最后味噌汤，我对呢间店已经再无期待，味道死咸，海带都算多，但最离奇系有三文鱼喺入面……到底想点……最后，我为左自己个肾著想，唔想得肾炎，唔饮晒佢啦……
食完10分钟都冇，店员就好勤力咁帮我地收野，仲问我地啲野食黎齐未，好似想叫人食完就快啲走咁，但系装水就要人叫，呢啲服务态度真系好！
食完呢餐饭，我不禁问自己，我今餐到底食左啲咩？性价比劲低，埋单$260，我真系情愿去食元气！一定冇下次！伏到核爆！
张贴
