燒烤堂

营业中

休息中

阿囡终于考完试，黎等我收工过铜锣湾食返餐好兼打卡😋心思思想去食烧烤堂好耐，终于去到🍖其实我哋成家都好钟意食烧烤，边食边倾边饮两杯🍻，不过就唔系样样都啱小朋友食，烧烤堂烧烤嘅一大卖点，就系有晒港西日韩泰川新疆咁多款地方嘅口味，啱晒唔同人嘅口味，另外佢嘅自家产品亦都非常出色超级钟意佢哋嘅自家产品，其中豚肉节瓜波板糖，豚肉多汁加埋啲节瓜唔会太油腻，加分位配埋月见，非常好食；自家产品仲有鸡皮墨鱼滑，烧到脆嘅鸡皮包住弹牙嘅墨鱼滑 ，都系非常推介👍🏼而爸爸至爱蒜蓉烧广岛蚝 ，烧嘅时间啱啱好，蚝身依然鲜嫩；牛胸爽 （即牛白肉） 平日打边炉食得多，第一次烧烤食佢，估唔到有几有惊喜，依然系一样咁有口感，不自觉食多咗几串🥰今日仲俾我哋食到限量嘅 盐烧三皇鸡腿肉 ，平时烧烤好少点鸡髀，但系呢度切到细细嚿，一啖一嚿，而且唔嚡，推👍🏼仲有其他海鲜野菜甜品嘅烧烤款式，而除咗烧烤呢度仲有唔同嘅前菜同主食，啱晒要有淀粉到肚嘅阿囡😂而家日本啤酒仲要买一送一，超抵！