蘇哥清湯腩

营业中

休息中

喺黄竹坑工作多年，一向以嚟要食餐好啲嘅晏都真系一啲都唔容易。终于等到地铁站新商场开幕，一心谂住终于有啖好食。今日轮到试呢间清汤腩面家，入坐第一眼望见枱面张点菜 QR Code 又皱又有酱汁渍已经觉得奇怪，唔理照 scan 点知条 link 系入唔到嘅。心谂新开业未理顺啲细节，嘥晒啲客时间，唔紧要叫侍应落单。两个人叫咗一碗坑腩面、一碗崩沙腩粉同一杯冻华田。我碗坑腩上嚟先，试一试啖汤 - 点解似云吞面汤加咗水嘅？真系完全无牛味，食清汤腩咁嘅汤头第一次见。再试牛腩亦十分淡口。侍应上另一碗崩沙腩，味道都系咁。跟住仲发现杯冻华田有只遇溺嘅蚁。都费事投诉，求祈食完埋单走。唔改善嘅话真系唔使再去。