山本屋 (圍方)

营业中

休息中

第一次去围方，当然谂住试下最多人排的名古屋乌冬，一去到已经见到有多过二十人排紧，犹豫左一下都系决定照排队。大约排左30分钟就入座，我哋二人点左鸡皮饺子，鸡翼，一碗吉列猪扒咖喱乌冬，一碗天妇罗虾铿鱼汤乌冬。两款小食好快就上菜，味道系几好食既，符合预期，而且仲热辣辣。点知食完小食之后就等左40分钟先有乌冬，我见其他人都系咁等，就无专登催促。不过有觉得如果乌冬可以快啲上的话，餐厅的turnover 好以多啲同快啲。讲返两碗乌冬，上枱时好似煲仔饭咁一人一煲乌冬，但一夹落就发觉其实份量唔算多，碗铿鱼汤底系淡而无味，最大问题系啲乌冬唔系烟韧，而系煮唔熟的感觉，仲食到个粉团的口感，等左咁耐食到碗咁的野真系失望！至于咖哩乌冬，个咖哩汤底开头食落几惹味，至少啲乌冬系熟既，但系愈食就觉得个汤底愈，好似落左好多味精咁！总括来说乌冬的性价比低，虽然小食系好食，但主打的乌冬却另人失望，仲要咁排队，应该无下次了。