Madam Saigon (已結業)

已经去过两次，第一次系想去尖沙咀食越南菜所以拣咗呢间就脚，第二次系特登带个朋友去试，因为觉得环境舒适食物味道几好。Madam Saigon 系走新派路线嘅越式菜馆，佢嘅装横好前卫，同一般传统越式菜馆唔同，行过都唔知道佢哋系卖越菜。佢哋啲服务好好，店员好有心机咁介绍佢哋个 Menu，我哋想叫两杯饮品，但系佢就提醒我哋其实叫一 jar 会比较化算。 我哋叫左热情菓芦荟汁，真系有好多粒粒芦荟。牛油鸡翼出色，鸡肉嫩滑，用嚟垫底嘅芋头丝炸得好香脆，值得一试。咖哩牛腩不太辣，咖哩味好香，配蒜蓉一流。