影片
更多
2022-08-20
5107 浏览
📌 家嫂一家大小 - 尖沙咀堪富利士道8号格兰中心3楼🗓(20/8) 星期六 ⏰ 中午12:45左右 💈特式：今朝睇Youtube见到有人介绍呢间店，睇片觉得d食材好高质抵食，就决定即时自费去帮大家实测下。去到因为冇book位，当时又full晒，正想离开之际职员刚刚收到电话有人cancel booking，所以我就顺利入座了✌🏻。🥩🍔🌭🌮🥗🥯🥘🍲🍝🍣🥟🍤🍱食物：间舖本身有火锅任食同点心任食，今次就先试左火锅任食先，佢地系会跟住一个流程咁上菜，首先系小食>刺身>炸物>鸡煲>海鲜火锅，除咗刺身系一次性，其他野都系无限任食，实证过真系样样野都好好食，等我逐一讲吓味道先......(一次性)刺身拼盘🐟🦐 - 刺身佢只系一次性，真系可惜，因为佢d刺身质素绝对蠃晒香港大部份日式放题店成条街；粒元贝刺身厚到成旧麦乐鸡咁，仲要甜到一个点；甜虾/三文鱼/北寄贝都系高水准；吞拿鱼腩油脂好足，不过美中不足就有少少筋；另外唔知点解仲有个蕃茄🍅刺身???(任食)小食/炸物 - 包括有皮蛋/螺肉沙律/清酒煮蚬/炸虾多士/红糖糍粑/炸唔知咩蔬菜，除咗个炸唔知咩蔬菜系普通d之外，其他
🗓(20/8) 星期六 ⏰ 中午12:45左右
💈特式：今朝睇Youtube见到有人介绍呢间店，睇片觉得d食材好高质抵食，就决定即时自费去帮大家实测下。
去到因为冇book位，当时又full晒，正想离开之际职员刚刚收到电话有人cancel booking，所以我就顺利入座了✌🏻。
🥩🍔🌭🌮🥗🥯🥘🍲🍝🍣🥟🍤🍱
食物：间舖本身有火锅任食同点心任食，今次就先试左火锅任食先，佢地系会跟住一个流程咁上菜，首先系小食>刺身>炸物>鸡煲>海鲜火锅，除咗刺身系一次性，其他野都系无限任食，实证过真系样样野都好好食，等我逐一讲吓味道先......
(一次性)刺身拼盘🐟🦐 - 刺身佢只系一次性，真系可惜，因为佢d刺身质素绝对蠃晒香港大部份日式放题店成条街；粒元贝刺身厚到成旧麦乐鸡咁，仲要甜到一个点；甜虾/三文鱼/北寄贝都系高水准；吞拿鱼腩油脂好足，不过美中不足就有少少筋；另外唔知点解仲有个蕃茄🍅刺身???
(任食)小食/炸物 - 包括有皮蛋/螺肉沙律/清酒煮蚬/炸虾多士/红糖糍粑/炸唔知咩蔬菜，除咗个炸唔知咩蔬菜系普通d之外，其他野都超高质，直头有高级餐厅/酒店咁嘅级数，呢度唔逐一讲喇，你地自己去试啦......
(任食)鸡煲🐔 - 佢个鸡煲虽然就唔算好高质，但都系合格以上，佢个鸡煲入面会有埋蚬同猪皮，d蚬大只又无沙仲要索晒d鸡煲酱，劲好味；猪皮就煮得够淋又索汁。
(任食)海鲜🦐🦀🦑拼盘/火锅配料 - 汤底叫咗个鱼汤锅，一啲都唔腥仲有好重海鲜味，入面本身仲有好多鱼肚，食到最尾索晒鱼汤，劲正。
另外佢个海鲜拼盘都系任食，我无讲错/你无听错，佢包括鲍鱼/生蚝/珊瑚蚌/鲜虾/大蚬都系任追加；
另外佢仲有其他火锅配料，包括牛肉🐮/手打丸/水饺/黑白腐竹/炸鱼皮都可以任食，但质素就已经比海鲜比下去了。
☕️🍵🥤🧋🍺🍷🥃🍹🧉🍾🍶🥛
饮品 - 饮品佢有自家制嘅角色特饮同凉茶，仲有其他罐装饮品，同红白酒任饮。我就净系试咗佢大部份嘅自家制特饮，讲真，好多都怪怪的，一阵药材味，系竹蔗茅根比较正常d。
🍽环境：餐厅环境好大好舒服，睇落好新净企理，枱与枱之间空间好大，张凳系类似梳化咁嘅凳，坐几耐都系咁舒服，直头坐到唔愿走。
🤵🏻🤵🏻♀️🤵🏻♂️服务：职员服务好好，好有礼貌去介绍个餐牌，上菜收碟速度好快，加水碗碟等等都自动自觉，服务仲好过好多酒店西餐厅。
💰💸价钱：2个人total $612埋单，看似唔系好平，但你计返食物嘅质素/份量/环境/服务，我反而觉得好抵食，起码好过去食一d酒店自助餐食到一肚气，仲要贵过呢个价。
🐲💬总结：我肯定我会再嚟帮衬，同埋应该会介绍朋友嚟食好野，我仲见到佢有好多好靓嘅包厢，我就即刻就谂起我个好兄弟就嚟生日，就安排嚟呢度再食一次啦。
推荐指数：❤️❤️❤️❤️❤️
海鲜拼盘/火锅配料
138 浏览
0 赞好
0 留言
小食
120 浏览
0 赞好
0 留言
刺身拼盘
126 浏览
0 赞好
0 留言
炸物
104 浏览
0 赞好
0 留言
鸡煲
117 浏览
1 赞好
0 留言
张贴
