莎巴馬來西亞餐廳

营业中

休息中

有位朋友住喺湾仔，今次去完展览之后顺手问佢附近有咩好食，佢就介绍咗呢间食马拉菜嘅小店俾我，结果好满意。《马来巴东牛肉》$98呢个牛肉做得好出色！好惹味，因为佢系辣辣地，而且都唔好又干又韧，送饭食一流！《海南鸡喇沙》$105呢个海南鸡系我食过之中都算数一数二，皮肉好滑，而且重鸡味，好正宗！喇沙都食得出唔系用喇沙酱开出嚟嘅味道，唔死咸，又够香，好好味！《肉骨茶》$98呢个肉骨茶个人觉得好正宗，因为𠮶种药材味比较重，唔会好似出面咁好淡口，加上入边好多骨，分量多味道又出，正！《马来椰汁辣饭》$98首先上枱即刻觉得劲丰富，好似有好多个𩠌咁，我哋拣咗鸡，同牛肉一样好食，椰汁饭有淡淡的椰香，食落唔会觉得甜漏，同时仲有辣嘅鱼干同埋好香脆嘅炒花生，捞埋一齐食真系超级好食。 总括嚟讲呢间马来西亚菜餐厅真系好高质，人细嘅小店绝对值得更加多嘅关注。