祥仔辣辣 (海運大廈) (已結業)

海港城嘅餐厅，都食过十几间。但呢间都算系我最失望嘅一间😥平时睇电视见Ricky san煮野好似几好味咁，行街经过门口见佢有个set都好似几抵又多野食，就想试下一次，点知中伏⋯🍽前菜三小碟脆鳝：完全唔脆，系硬嘅，食左一啖已经唔想食鸡丝粉皮：最好食系呢个，可惜份量好少海蜇：比较辣，但都算ok🍽主菜酸菜鱼：味道普普通通，冇咩特别，有啲鱼系仲带骨，冇宽粉底。侍应话如要加宽粉应落单时加埋，上左菜就加唔到。但Menu冇写明，落单时亦冇人提过，有啲失望。大虎虾：雪藏虾肉质梅梅地，一食就知整起左一段时间，热度系暖暖地，又失望。辣子鸡：呢个比虾更唔ok，鸡丁系完全冇鸡味，肉质好似食紧假肉，扮辣子鸡咁。真系难食到几乎成碟冇食过，超级失望。土豆丝：味道普通，不过不失啦。🍽甜品仙草冻：比起其他野，呢个算好食另外，杯冻奶茶睇色水都知唔好饮啦⋯成晚除咗鸡丝粉皮同仙草冻比较好食d之外，其他野都濑晒嘢，味道好唔正宗亦唔好味。Ricky san真系要睇紧啲个厨房🫣我都好少踩咁尽⋯唯一可赞嘅系餐厅内大部分都系成熟嘅侍应叔叔姨姨，个个都好有礼貌同态度诚恳。