正品小館 (已結業)

几个为食好友都觉得近期小店特别需要支持， 地区气氛稍稍好转即选择到一些重灾区饮饮食食。今次来到邻近佐敦道的小菜食肆医个肚仔。其实行经门口，见个杏汁猪肺汤 同 豉椒炒蚬已经就吸引咗入嚟。手工菜 杏汁白肺汤 入口 滑溜香甜，又要洗又要炖咁多功夫都系四十蚊有找又好味，同台饭友嘅 杏汁花胶 一样冇花冇假功夫十足，唔叫走宝。豉椒炒蚬 镬气十足，虽然唔系大大碟但粒粒有蚬肉又唔会一口沙，够晒风味。海南鸡饭 原本打算有饭落肚之选，点知入口喜出望外，净系个油饭都已经值回票价，如果响依头返工啲话，衣个饭真系嘅不二之选。咕噜肉 无骨啖啖肉(可能今次好彩)，脆浆够薄又肉嫩多汁，分分钟好味过唔少大酒家。盐焗马友 配上普宁豆酱值得一赞，虽然唔系乜嘢贵价嘢，但就唔系度度有而且有又未必有咁好味。蒜蓉油麦菜 全晚最家常普通菜，不过一样三扒两拨畀我哋食晒。豉油王茄子 是晚焦点，外脆内软加上依档独特嘅豉油王香味，个个食完都话好味。