海盜灣長洲 (已結業)

今日同一班朋友入长洲，由码头转右，沿海滨慢慢行去西湾，行到攰，见到一间叫海盗湾嘅西餐厅。老板兼大厨是一位高大威猛又亲切的法藉男士，老板娘是香港人，带着阳光般笑容，开朗又幽默，介绍了几款拿手菜式俾我哋一班哗鬼。餐牌有中文及英文，不担心睇唔明。价钱也很合理，套餐包一碗汤，咖啡或茶。我哋见到有陈皮炖柠檬，可冻可热，于是大家又叫了几杯试下，果然顺气化痰，真心推介！又叫了日本生啤，菠萝梳打，和老板亲手酿制的猪肉肠，超配！另外仲叫咗苹果煮猪肉，特制鸡肉三文治，咸甜法式薄饼，大家食到每碟都干干净净。老板娘说，餐牌上的各种肉类都是外国货。香肠，各式肉酱，面包都是自家制作，肯定无防腐剂及添加剂，保证新鲜及食得健康！大家食得太高兴，唔记得影低餐牌！