打邊爐海鮮火鍋燒烤店 (已結業)

前排见到依间上过排行榜十大嘅火锅店，衬天气冻返，钟意打边边嘅我，点都要亲自嚟试吓喺咪真喺咁好味！依间小店位置真喺算难揾，如果唔睇住 Google Map，真喺揾唔到！而且左右旁边都喺车房，喺大街行过咗都唔知！（其实我真喺行过几次先揾到！）坦白讲，环境装修真喺普通到唔普通！只可以称得上整洁，舖内并无任何装饰，只有一个三层鱼缸，养住几条沙巴龙趸同象拨蚌！不过三五知己专程嚟到，点都要试吓！睇过其他食评写得咁好味，我哋几个唔食辣嘅朋友，就唯有照老板推介叫个《花甲蟹锅》同《鲜活烤鱼》！老板话你食完两个主打，先再叫火锅料啦！当两个主打推介上咗枱，就完全明白老板嘅用意！因为实在太大煲！坦白讲，烤鱼依个𩠌喺香港流行咗好多年，但从来都冇食过！点解？因为我唔识食鱼！但就算唔识食鱼嘅我，都知道用龙趸做《鲜活烤鱼》，依间小店都算喺第一间！卖相已经有好多配料，闻到都好吸引！我自己都试咗一细旧，龙趸真喺唔同！肉质弹牙结实，而且超有鱼味！但我最欣赏喺个《花甲蟹锅》！汤底超正，有少少烧酒味，加上蟹同花甲嘅鲜味，只喺饮汤都超正！食咗蟹脚之后，我都只喺食花甲！我估成个《花甲蟹锅》，只喺花甲都差唔多有两斤咁多！好似老板推介