潮牛腩

营业中

休息中

湾仔区都有好多面店，位于谢斐道嘅潮牛腩亦系不错嘅选择。餐厅供应粉面，饭类，净食和小食等等。我同朋友叫咗两碗面和一个小食牛腩河牛腩一食就知系真正嘅骟牯牛腩，因为普通牛腩无论咩方法都系无可能做到咁嘅口感同味道。首先口感第一个感觉就系好淋，但仍然会有少少牛腩应该有嘅咬口，咁样真系好好食，同埋系港底清汤腩嘅精粹。味道牛味浓郁而不骚，愈咬愈有味道出嚟。河粉偏向爽口，个人都好啱食。牛三宝幼面牛三宝就有齐牛腩，牛脷同牛筋。特别要讲嘅系牛脷，味道先天上系一定会比牛腩更浓，处理得好唔好就系睇口感，口感非常之软滑唔痴牙，咸鲜味完全渗透哂系肉里面，真系无得顶。豉油皇鸡翼尖钟意鸡翼尖嘅朋友通常都醉翁之意不在酒，鸡翼尖本身固然要皮爽肉软之外，最重要嘅系个汁，要味道够惹味同时要入到味。呢个豉油皇咸甜十分之平均，食到纯粹嘅大豆酱油嘅味道。