影片
更多
2023-12-13
664 浏览
之前帮衬过荃湾𠮶间「BnR」，今日嚟马鞍山探朋友，发现原来新港城中心都有分店，中午就一齐过嚟尝新。餐厅面积颇大，装修新簇，座位阔落，坐得非常舒服。我哋每人点咗一个主食，+$38 可以转套餐，包小食、甜品及饮品各一。拣咗花胶鸡淮山面 ($86) 同 蒜头豆豉笼仔蒸大鳝饭 ($108)。招牌鸡汤选用大量上等鸡只同食材熬煮而成，汤身浓稠顺滑，不油不腻，味道唔错。花胶补而不燥、鸡肉新鲜嫩滑，加上爽滑富弹性嘅淮山面，令人回味无穷！大鳝好新鲜，肉质肥美，入口无泥味，蒜头豆豉嘅份量拿捏得啱啱好，味道唔会过咸。垫底嘅米饭好有惊喜，竟然系蛋炒饭，加上荷叶嘅香气，绝对系味觉同嗅觉一大享受！小食选了炸芫茜牛肉波同炸鱼片头，牛肉球大大粒，外酥内嫩，牛肉味好浓郁，加上芫茜嘅清香，用来做小食真系一流！鱼片头炸至金黄色，外层厚皮香口，咬落去脆脆地，入口弹牙甘香，结实有鱼味。甜品有手工红豆麻糬同一口花生麻糬，另外我哋仲加咗客炸椰子奶 ($48)，麻糬外皮又Q又软，红豆泥松软绵密；花生馅香浓带颗粒感，充满幸福滋味。炸椰子奶外脆内软滑，入口椰子味好香浓，好睇又好食。跟餐饮品点咗热即磨咖啡 同 椰汁爆珠红豆冰 (+$8)，
之前帮衬过荃湾𠮶间「BnR」，今日嚟马鞍山探朋友，发现原来新港城中心都有分店，中午就一齐过嚟尝新。
餐厅面积颇大，装修新簇，座位阔落，坐得非常舒服。
我哋每人点咗一个主食，+$38 可以转套餐，包小食、甜品及饮品各一。拣咗花胶鸡淮山面 ($86) 同 蒜头豆豉笼仔蒸大鳝饭 ($108)。
招牌鸡汤选用大量上等鸡只同食材熬煮而成，汤身浓稠顺滑，不油不腻，味道唔错。花胶补而不燥、鸡肉新鲜嫩滑，加上爽滑富弹性嘅淮山面，令人回味无穷！
大鳝好新鲜，肉质肥美，入口无泥味，蒜头豆豉嘅份量拿捏得啱啱好，味道唔会过咸。垫底嘅米饭好有惊喜，竟然系蛋炒饭，加上荷叶嘅香气，绝对系味觉同嗅觉一大享受！
小食选了炸芫茜牛肉波同炸鱼片头，牛肉球大大粒，外酥内嫩，牛肉味好浓郁，加上芫茜嘅清香，用来做小食真系一流！
鱼片头炸至金黄色，外层厚皮香口，咬落去脆脆地，入口弹牙甘香，结实有鱼味。
甜品有手工红豆麻糬同一口花生麻糬，另外我哋仲加咗客炸椰子奶 ($48)，麻糬外皮又Q又软，红豆泥松软绵密；花生馅香浓带颗粒感，充满幸福滋味。
炸椰子奶外脆内软滑，入口椰子味好香浓，好睇又好食。
跟餐饮品点咗热即磨咖啡 同 椰汁爆珠红豆冰 (+$8)，红豆饱满甘香，入口椰汁味好香浓，配上爆爆珠，冰凉清爽，正！
张贴
