癡膠雞 (荔枝角道)

营业中

休息中

听朋友介绍，呢间专食花胶米线的米线店。经过太子， 就黎试下佢。我叫左虫草花花胶鸡米线、金砖豆腐。虫草花花胶鸡米线 $68米线的汤底真系好好饮，有别一般的米线店，即系酸酸辣辣果只。我可以清晒佢Ｄ汤，真系好浓郁，咸度适中，饮得出不添加味精。米线同汤底系分开上，汤底、鸡件、花胶片、虫草花放在一人边炉D 锅度， 好似打梗边炉咁。用细火keep 住个温度，热辣辣，饮落去真系好正，如果冬天黎食仲正呀。鸡件好滑，花胶好淋，米线分量好足，如果细食D 既朋友，可以叫佢小米线呀，唔好浪费食物。金砖豆腐 $28另外，叫左金砖豆腐小食。外脆内软，炸分又唔厚，入口即溶；调味又不会死咸，好香口，份量足，值得推介。食物质素高，店员小姐又有礼貌，呢间小店可以再回头呀。