放下素 (已結業)

偶尔茹素，喺铜锣湾遇上间唔错嘅素食自助餐餐厅。贵精不贵多，食物嘅卖相同味道都唔错。中式素食偏向家常，但用料新鲜，稍稍调味已为上品。而西式菜式则比较精致。苏格兰蛋系以紫薯茸包住鸡蛋，食落比一般苏格兰蛋更清新。拿玻里pizza烤得够薄够脆，加上番茄同芝士，当然系perfect match！燕麦提子曲奇更加系令我食到停唔到口。虽然系用咗植物牛油，但口感同用金罐牛油整嘅一样香脆，而且冇咁油腻。整体食物质素都颇高，食得出厨师嘅心思。而且最紧要系冇用素肉，真正健康之选。