吉野家 (已結業)

7月20日, 多数嚟到吉野家都系只会食牛肉饭, 不过佢近来好多新搞作, 又咖哩又芝士咁, 今晚试一试吉野家嘅牛肉新食法~ ::: 铁板牛烧肉定食 ::: $42呢个食法有d似pepper lunch, 都系将d生野放喺一块铁板上面, 自己亲手炒到佢熟, ,而佢底下系有炉去一路keep住块铁板热~ 主菜当然有吉野家和风牛肉, 另外有d配料例如粟米、车厘茄、青椒丝、红萝卜丝、洋葱, 都喺晒块铁板上面, 仲有只生鸡蛋俾你打落去炒添! 好似好过瘾咁, 一开火就炒呀炒, 牛肉由鲜红慢慢变熟, 加埋只蛋炒埋一堆卖相都唔差~ 之不过, 点解可以炒极都唔㶶? 原来喺块板底有一大堆油, 唔知系咪牛肉标出嚟, 但系就真系好肥腻! 牛肉都总算可以接受, 但系粟米、红萝卜丝、洋葱同蛋索晒d油就真系见到都唔开胃… 直情成个油塘咁… 下次去吉野家都系正正常常食番牛肉饭算数喇…