影片
更多
2018-08-13
2571 浏览
讲到all day breakfast,呢间The Flying Pan真系我暂时嘅心中至爱,爱在佢款式好多,任由配搭,再加上呢度系24小时营业,真真正正嘅全日早餐,只要你心瘾起,随时随地都可以行动
话说佢喺霸田商业中心嘅时候已经开始食佢架喇,应该系因为租约问题所以移咗舖位,但一啲都唔难揾因为都只系喺同一条街入面,新嘅舖位我更加钟意,因为佢光线猛咗,四周围嘅布置亦都花心思咗同埋好有american style。望住啲靓嘅环境食都食得开心啲嘛,今次我哋嚟由于都算系深夜时份,都系得几枱客人,清清静静咁,好relax
而menu亦都renew咗,变得更多花款选择,钟意食蛋嘅又得,钟意食班戟嘅又得,谂唔掂咩?佢亦都有几种combos俾你选择,只要你拣啱心水,每一种食材基本上都系你自己话事,犹如自己身处厨房一样,想食乜就煮乜。就连只蛋点煮法都可以自己拣,呢一样嘢喺香港真系好似从未见过。
而我今日嘅心情系乜呢?又想食咸,又想食甜,结果我就拣咗份The Ultimate Griddle,呢份嘢净系甜嘅已经有三款:有一件法式多士,一件窝夫同埋一件班戟(其实小蚊子咁嘅胃净系食呢三件应该都已经饱咗)而咸点
而阿肥就叫咗一份较为大路同普遍嘅The Flying Pan,因为佢唔太喜好食甜点,呢份嘢除咗冇我𠮶啲甜点之外,佢系有一份多士,一小杯水果同埋一小碗蕃茄汤嘅,大食嘅佢就升级咗杯嘢饮,会大杯好多,佢饮苹果汁,我就冇升级喇,要番一杯普通size嘅蔓越莓汁就可以了。 甜点方面,比较出色嘅系件法式多士,烘烤得甜甜脆脆,洒上小小糖粉,佢亦都有提供糖浆俾你任意加上,除咗件班戟嘅味道系比较中规中举之外,而上面亦都有一大片牛油俾妳,足够用于三件甜物上面分别搽上。件窝夫亦都系烘得有小小㶶㶶地咁,好香口。至于咸点𠮶部份,值得一赞嘅系啲烟肉煎得好脆,唔会令你有好肥好油嘅感觉,成份食哂真系令我好饱好满足而阿肥就好钟意呢度嘅蕃茄汤,话够浓味,好正～ 虽然话呢类型嘅all day breakfast,只要你肯去买食材,喺屋企都随时可以自己煮得到,但系以呢间咁别出心裁嘅配搭,再加上佢哋有用心制作,要挂住呢度,对我嚟讲一啲都唔难
苹果汁，蔓越莓汁
63 浏览
0 赞好
0 留言
The ultimate griddle
$105
43 浏览
0 赞好
0 留言
Flying pan
$99
51 浏览
0 赞好
0 留言
张贴
