樂湯雞麵館 (庇利金街) (裝修中)

放工明明好好天，出到去同朋友食饭，突然落起大大大雨，无准备之下，赶到去朋友介绍既餐厅，去到望左一眼，今次真系落汤鸡了！又会咁岩，餐厅名真系叫乐汤鸡，好应景㖞。因为朋友未到既关系，所以系门口望左一阵餐牌，睇落好似唔多款，但超级多人食，不停有人出出入入，有一段时间仲要排队Tim，我就系到行黎行去，留意下入面系食咩，见到好多一煲一煲，越黎越吸引啦！流口水既时候，朋友就系我隔离出现。。。。。入去吧。望一望个餐厅，原来款式唔小既，只系出面冇放晒出黎姐，最近仲有个厨师推介－鲍参翅肚餐－，好似几特别咁㖞！最后因为呢间舖系朋友介绍，所以都系等佢叫啦。首先叫左个砂窝花胶鸡汤翅，鸡有半只，鸡肉大大件，嫩滑味浓，花胶有好多旧，件件都又厚又大，胶原蛋白劲保身，底下仲有鱼翅仔，当然最重点系个汤啦，浓郁鲜甜，难怪人人都叫啦。另外仲叫左两个－口水猪手－，－虫草花杞子浸翡翠苗，口水鸡见得多，口水猪手第一次听，好特别，小辣但好香，猪手爽口弹牙，骨胶原好劲，翡翠苗份量好多，爽口清甜，汤底仲系用左鸡汤Tim，满分啦。