影片
更多
2014-12-31
715 浏览
差不多一年无去，难得平日放假心cc又想去重温一下，以前由佢未有星食到有星再食到灭星都仍然支持。一去到12点未有人等位即入，见到一年前既四眼哥哥仔仲o系度做有d surprise(以前哩度换waiter超快，因为老细要求太高)，另外有位中年姐姐，老板同经理未返就系佢主力招乎人客，既有礼貌又有效率，隔离台问佢拎叉，佢唔系摆低就算，而系拎埋去叫o个位先生再递比佢，o个位先生听唔到佢都无摆低，继续叫，叫左2次叫到佢听到再亲手递比佢，抵赞!讲完服务，讲食物，餐牌同以前有轻微唔同左，一向最爱既羊今日唔太想食，于是叫牛，以前系叫咖哩牛仔腩，而家无左个"仔"字，只系普通牛腩，都杀啦，中辣跟饭。个餐汤依旧好饮，牛腩黎到，有好多旧，今时今日d餐听黎计多到有点夸，但d牛腩真系非常普通，同o系街任何人间茶记咖哩腩既牛腩系一样，食印度野配哩种腩好似港式左少少，唔韧，但又未算"淋"...总之普通，同以前牛仔腩差远了。个人认为一个好既印度咖哩其实斋汁都已经够杀，肉反而只系配料。至于期待的咖哩汁，一食，第1个感觉系够中辣，浓度keep到，够捞饭，但。。。真系同早几篇食评讲一样，得个辣字，印度咖哩应有既味道完全欠奉。。
讲完服务，讲食物，餐牌同以前有轻微唔同左，一向最爱既羊今日唔太想食，于是叫牛，以前系叫咖哩牛仔腩，而家无左个"仔"字，只系普通牛腩，都杀啦，中辣跟饭。个餐汤依旧好饮，牛腩黎到，有好多旧，今时今日d餐听黎计多到有点夸，但d牛腩真系非常普通，同o系街任何人间茶记咖哩腩既牛腩系一样，食印度野配哩种腩好似港式左少少，唔韧，但又未算"淋"...总之普通，同以前牛仔腩差远了。
个人认为一个好既印度咖哩其实斋汁都已经够杀，肉反而只系配料。至于期待的咖哩汁，一食，第1个感觉系够中辣，浓度keep到，够捞饭，但。。。真系同早几篇食评讲一样，得个辣字，印度咖哩应有既味道完全欠奉。。。很失望。食食下听到隔离台食客A叫食客B试下d羊肉，B话佢唔多食羊，A说服佢试既原因系旧羊无乜羊味。。。如果系真既话，作为1个钟意食羊既人而旧羊系无羊味，相信亦系多一个失望。
总括黎讲，waiter/waitress服务好，但食物真系差左好多，似乎唔系一时失手咁简单，西湾河都执左，哩间再keep住哩个质素真系分分钟执埋，不过可能会吸引到d唔识食咖哩既人，因为无咁重口味，简称无味。
张贴