Via Tokyo (已結業)

听讲ｅ个餐厅嘅甜品好好味，于是就专登渣车过黎试下啦，到左之后门口好多人，有ｄ系排队等入去，有ｄ系等外卖，好利害呀！店员好好，佢系我地排队时候俾个餐牌我地睇住先，又几有礼貌，大约10分钟度我地两个人有得入去啦！坐低之后，我地点左个窝夫同埋个抹茶芝士蛋糕两样产品嘅外貌就已经系满分啦，首先我地试左个芝士蛋糕先，好香芝士味呀！搭真ｄ之后抹茶味就开始涌出黎啦，食落去唔会好硬，好松，果然系佢地嘅推介！之后就系食窝夫啦，上面三种雪糕分别系抹茶味，牛奶味同果只好似叫焙茶，抹茶味就都系好香，食落去就有阵阵茶甘味，牛奶就好浓味，而最喜出望外就系焙茶味，真系好香，我同我女友都系抢住食焙茶味，而个窝夫我就觉得甜左ｄ！第日会再黎，不过会系外卖，外卖焙茶味雪糕，真系好正！