泰巷 (將軍澳廣場) (已結業)

今日同呀女黎左单车公园玩之后，跟住嚟咗将军澳广场食lunch。咁啱见到呢间泰国菜唔使等位，所以就入咗去食。点知，食完真系大失所望，我相信我以后都唔会再帮衬。金不换炒泰式牛肉河粉 碟炒河有卖相无食相，成碟野食落无味，连小小香味都无，牛肉又少又un,而且成碗河粉都系油🤦🏿‍♀️🤦🏿‍♀️，最后我要捞猪手饭嘅汁个河粉先有返少少味传统风味无骨猪手饭猪手嘅皮算软腍，但肉就好硬。而且皮厚肉唔多，味道一般。但相比起个粉河，呢个叫好好味了。饮品叫咗泰式奶茶，但搞笑既系，只系得冻饮，而茶味有d涩。总括来讲，食物嘅质素真系好差，卫生情况都嘛嘛，枱面上都仲有𩠌渍，而且上菜时间好慢，等成四个字啲嘢食先嚟到。