丹麥餅店

营业中

休息中

今日同同事因工作关系路过加路连山道，在工作完后，我一来有少少肚饿，二来真系想试试这间备受好评的古老小店，三来都人龙唔算长，所以就试一试。我点左一吉列鱼柳包，因为这个包好似系最受好评，同埋我钟意食鱼柳多于猪扒。个鱼柳系即炸的，所以保证新鲜、热辣辣。个包虽然唔系即拱，但见到店员都放佢系一个热的平面上，所以都唔会冻身。全程都系等左2-3分钟左右。讲返个鱼柳包味道先，首先个包外皮酥脆的，所以几有口感，而面包入面𠮶层系相当松软的，配合鱼柳炸的表皮，口感层次组合非常搭配。至于鱼柳本身唔会太多油，唔腥，外酥内嫩，绝对系一流。而成个包画龙点睛的系同时配上沙津酱同番茄酱，每一口都有酸甜的滋味，令我食唔停囗。