餃掂手工餃子雲吞專門店

今日食左间系太子嘅饺子专门店，整体感觉好天然，味道都好唔错，价格又合理，值得encore!食汤饺，最紧要就系个汤底，呢度嘅汤底一啲都唔味精，反而有少少煲汤嘅清甜味，我哋叫咗两款汤饺，都好夹个汤味～另外就系饺子，呢度嘅饺子都好大只，饺子皮特别弹牙，猪肉味好香，猪肉肥瘦均匀，所以咬落口好juicy！至尊松茸饺汤饺呢度嘅王牌饺子，另外会配上一碟松茸酱，点黎食特别特别惹味。芫茜猪肉汤饺钟意食芫荽嘅朋友一定要试吓呢个芫荽汤饺，佢个芫荽味非常重，配合新鲜嘅猪肉，食落口好清新，又啖啖肉，好有满足感！另外佢都有好多调味同埋配菜俾大家拣！酱料方面，就有四川辣椒酱同菜脯豆豉酱，个人特别喜欢菜脯酱，辣辣地，加埋落汤面食就好夹！粟米猪肉饺汤面惊唔够饱嘅朋友可以叫一碗饺子汤！都几抵食，一大碗面再加六只饺子，构思可以自选同款色，想一次过试多啲唔同嘅味，我就拣咗粟米猪肉饺，粟米嘅鲜甜同埋咬口令到饺子食落更加有层次感。麻辣松花皮蛋一个少少辣嘅小食，皮蛋好香，但有少少麻辣，加落去同饺子一齐食都几夹～山楂雪梨水味道好清新，唔会太甜，本身呢度饮品就已经系冇加冰，所以冻饮都唔会太冻，女仔饮就岩晒！