影片
更多
2022-12-21
136 浏览
成日听人讲隐世餐厅，呢间印尼菜馆可以话系名副其实，经过都唔觉得有间舖。其实佢系位于一间超市入边，入完超市再行落楼梯去地库就到啦。可能唔系太多人知，所以冇咩人，但系其实不失为一个聚脚点。餐厅门口卖啲印尼小食，入到去装修间隔都几企理。餐厅食物款式都几多，印尼人几钟意食炸嘢，炸嘢都几多款，净系睇菜单都有两页，例如有粟米饼、虾饼等等。重点系加东牛肉杂锦饭，见到OpenRice好多人都食呢个。呢个杂锦饭价钱唔贵，材料非常丰富，有薯仔粒、花生、虾片再加埋巴东牛肉，同埋啲咖喱。净睇卖相都赢啊。如果要拣一款嘅话，一定系呢一个。佢啲咖喱汁有椰香味，非常香浓，可能呢啲就系印尼正宗嘅风味。仲有个烤鸡都值得推介，份量都唔少。另外我哋叫咗通菜，有马拉盏通菜、虾酱通菜等等。因为贪健康，所以叫啲菜，唔算话好咸，味道都唔错。我哋亦点咗串烧，由唔同嘅肉串组合而成。啲肉质非常鲜同埋都几林，点埋汁就一流。出边比较少印尼餐厅，如果要食嘅话呢度算系闹市嘅一间唔错嘅选择，价钱方面都算几抵食。
餐厅门口卖啲印尼小食，入到去装修间隔都几企理。
餐厅食物款式都几多，印尼人几钟意食炸嘢，炸嘢都几多款，净系睇菜单都有两页，例如有粟米饼、虾饼等等。
重点系加东牛肉杂锦饭，见到OpenRice好多人都食呢个。呢个杂锦饭价钱唔贵，材料非常丰富，有薯仔粒、花生、虾片再加埋巴东牛肉，同埋啲咖喱。净睇卖相都赢啊。如果要拣一款嘅话，一定系呢一个。
佢啲咖喱汁有椰香味，非常香浓，可能呢啲就系印尼正宗嘅风味。
仲有个烤鸡都值得推介，份量都唔少。
另外我哋叫咗通菜，有马拉盏通菜、虾酱通菜等等。因为贪健康，所以叫啲菜，唔算话好咸，味道都唔错。
我哋亦点咗串烧，由唔同嘅肉串组合而成。啲肉质非常鲜同埋都几林，点埋汁就一流。
出边比较少印尼餐厅，如果要食嘅话呢度算系闹市嘅一间唔错嘅选择，价钱方面都算几抵食。
张贴
