影片
更多
2024-10-21
502 浏览
无意中发现咗间几好食嘅韩国炸鸡想同大家分享吓。间舖位于北角新都城隔离小巷kfc隔离，咁啱夜晚行过见到冇乜人唔使排队，所以入咗去试吓（其实都有啲人喺度等紧外卖）。入面都算新新净净，几阔落。嘢食方面里面都唔系剩系得炸鸡嘅，咁我哋就嗌咗两款炸鸡，一个辣年糕，一个紫菜包饭同埋泡菜煎饼。炸鸡都有几多款口味，我哋嗌咗推荐嘅洋葱忌廉炸鸡同埋火辣炸鸡。两款都好食，外皮脆但入面鸡肉都几鲜嫩，尤其系洋葱忌廉炸鸡，酱汁调得好好食，而火辣炸鸡就几辣下，唔食辣嘅人可能未必会食到。两款都有配沙律菜，连埋炸鸡一齐食啱啱好。同埋想赞嘅系佢除咗Regular size仲有得拣baby size，咁就可试多几款口味。不过baby size其实都唔算细，都有6 /7 旧。年糕方面，嗌咗carbonara味辣年糕，个汁够浓，忌廉味几出，加埋少少辣味，唔错。里面仲配咗啲韩式粉丝，连埋汁食非常之好食。紫菜包饭份量超好足料，又大条劲抵食。最后泡菜烧饼就正正常常，觉得冇乜特别。嘢饮就嗌咗两杯梳打，都系正正常常，不过都算几大杯。总结下，觉得而家韩式小店味道同埋份量方面可以话系高于平均，但佢价钱方面真心唔贵，所以真系几抵食。我自己就应该
间舖位于北角新都城隔离小巷kfc隔离，咁啱夜晚行过见到冇乜人唔使排队，所以入咗去试吓（其实都有啲人喺度等紧外卖）。入面都算新新净净，几阔落。
嘢食方面里面都唔系剩系得炸鸡嘅，咁我哋就嗌咗两款炸鸡，一个辣年糕，一个紫菜包饭同埋泡菜煎饼。
炸鸡都有几多款口味，我哋嗌咗推荐嘅洋葱忌廉炸鸡同埋火辣炸鸡。两款都好食，外皮脆但入面鸡肉都几鲜嫩，尤其系洋葱忌廉炸鸡，酱汁调得好好食，而火辣炸鸡就几辣下，唔食辣嘅人可能未必会食到。两款都有配沙律菜，连埋炸鸡一齐食啱啱好。同埋想赞嘅系佢除咗Regular size仲有得拣baby size，咁就可试多几款口味。不过baby size其实都唔算细，都有6 /7 旧。
年糕方面，嗌咗carbonara味辣年糕，个汁够浓，忌廉味几出，加埋少少辣味，唔错。里面仲配咗啲韩式粉丝，连埋汁食非常之好食。
紫菜包饭份量超好足料，又大条劲抵食。
最后泡菜烧饼就正正常常，觉得冇乜特别。
嘢饮就嗌咗两杯梳打，都系正正常常，不过都算几大杯。
总结下，觉得而家韩式小店味道同埋份量方面可以话系高于平均，但佢价钱方面真心唔贵，所以真系几抵食。我自己就应该会再覆桌，试埋其他炸鸡口味。
张贴
