港島東體育館泳池餐廳 (已結業)

我哋以前都有久唔久去港岛东游泳池游水(其实游唔到，因为池水太浅太细，而且太多玩水的人左穿右插)，不过就未曾嚟过游泳餐厅。星期六晚冇乜idea，忽然谂起这里，就不妨试吓。7点几还是小猫三四只，倾偈啱哂，窗口位任坐，看看泳客嬉水算是一项娱乐。叫咗两个套餐：鲍片狗仔粥+咸肉粽($24)和姜葱豆豉滑鸡煲($28)。狗仔粥其实系银针粉，料就有虾米、冬菇和唔知系乜嘅鲍片。好杰的汤，味道相当浓，味精应该落咗好多。鲍片就好硬好韧，唔掂！反而咸肉粽松化好味。煲仔菜啲鸡几滑，不过冇乜姜葱豆豉嘅香味，一味多汁，足够你当汤饭食。餐饮可以选择特饮，所以奶茶之外，我哋要了一杯西柚果纤蜜。柚子蜜加一片柠檬，几好味舒服。Overall拉匀勉强俾佢ok。