川粵時光 (已結業)

今次去咗川粤时光食下中菜，整体来讲都唔错。我哋叫咗几个小食，同一个主菜酸菜鱼。蒜泥拍青瓜咬落好爽脆，少少调味下，食落好开胃。皮蛋入味，一啖配上啲青椒，味道唔错。 我哋亦叫咗个四川豆干，份量多，可以沾少少辣椒粉，食落都几烟韧，口感滑嫩。我最钟意嘅系酸辣土豆丝，有几浓醋味，份量又多，十分开胃。而主菜方面我哋叫咗酸菜鲈鱼，一大盘，汤底酸辣度刚刚好，鱼鲜甜，口感亦都算滑。最后带咗两杯饮品，一杯白桃养生花茶，一杯蜂蜜红枣茶，甜度适中，饮落几清新。 最后以冰粉作为甜品，上面有啲西瓜同花生粒，冰冻得嚟又带点酸甜，不错！