殿 大喜屋 (裝修中)

见自助区有前菜、冷热饮品、熟食、炸物、汤、糖水、甜品、沙律、雪糕等等，每样食d个肚都唔够装。咁我地梗系埋位scan QR code睇有咩食先再出去自助区攞野食啦！正想埋位好眼利见到期间限定帝皇蟹棒手卷、海胆手卷，排左阵队攞左返去先，紫菜仲脆，海胆鲜甜，呢个回本嘅～呢个品牌sell高质多款，所以基本上同食buffet真系无咩分别。好似新鲜刺身咁，都有好多款 - 松叶蟹脚、拖罗、北海道带子、赤贝、海赤虾，特别鲜甜嘅象拔蚌、剑鱼腩、正文鱼、油甘鱼、池鱼王等等。东南亚美食同地道美食都有，order嘅泰式虎虾新鲜兼有泰国风味；避风塘炒蟹一客好多肉，炒得似模似样，有大牌档风味；黑椒蜜汁一口牛同蒜蓉露荀炒珊瑚蚌有酒楼嘅镬气，而呢个价钱食到和牛薄烧亦系bonus point之一～亮点嘅特式寿司首选柚子胡椒和牛烧寿司，配搭创新味道又好夹。日式料理我个人比较钟意蒲烧鳗鱼、芝麻鸡翼、芝士年糕等等，尤其是芝麻鸡翼嘅香脆惹味真系食唔停口～香气扑鼻嘅中式烧乳鸽、大只厚肉日式清酒煮蚬都比到surprise我！