ZUC.CCH.ERO (已結業)

相信大家都见过呢间走妹猪打卡路线甜品店嘅踪影，去之前都谂住啲出品貌似好睇唔好食，而实情系非一般嘅难食（嗱我真系好少咁直接踩...）蓝色名叫break the tears嘅甜品，睇落唔错，有得食有得玩，但食落真系一头问号🤢 佢将Blue cheese雪糕、西芹冰粒再加一堆合桃摆堆一齐，每种食材自说自话咁，食左一两啖就顶唔顺。不过正如店家所讲，呢个组合真系唔系人人钟意，见人见志啦我谂。之后上嘅The Universe，每个星球都系一种茶嘅mousse（茉莉、伯爵等）以为茶味甜品实无伏，但所有野都好啖，茶味欠奉，未至于似蓝色果个咁食唔落肚，但真系有好大嘅改善空间。