影片
更多
2006-06-07
15 浏览
同阿妹睇完戏，套夺命搞作睇完后哭笑不得，建议大家未睇过《War of the worlds》的话唔好去睇，否则定会妈声四起。夜晚有K团，就过返旺角，顺便交人，连同损友去试下新开的「japan concept restaurant」；三人来到兆万9楼，谂住就算唔食得都睇得，居高临下都几过瘾。入到去，见唔少人等位，问带位小姐，佢话15分钟会有位，唔信，又反问如果无点先？佢都几好礼貌，话有人埋紧单，15分钟一定得，就信佢一次。捡到个窗口位，四人卡位三人分，都坐得几舒服，食物款式唔少，势色唔对，打死唔叫刺身、寿司，随便叫了冷乌冬、烧花鲛、中华海鲜饭、薯仔煮牛肉。等．．．等．．．等．．．足足45分钟，食物先上来，是「手打稻庭乌冬」，32蚊做的手打，打死唔信，是交来货，够湿唔够冻，卖相完全唔对版，汁亦是现成货，毫无心机可言，偶自己煮好过佢一百倍，真的衰到尽！烧花鲛是当晚最出色的一道菜，是用烧的，唔欺场，当然说是「最出色」是相对的，比品只是较其他菜有心机去烧而已，腥味十足，满本分鱼油，死死实实，比多廿蚊落般若汤好过；中华海鲜饭．．．．．．读得书少，好难用文字来描述佢有几衰，湿湿淋淋，油（押）味十足，
夜晚有K团，就过返旺角，顺便交人，连同损友去试下新开的「japan concept restaurant」；三人来到兆万9楼，谂住就算唔食得都睇得，居高临下都几过瘾。
入到去，见唔少人等位，问带位小姐，佢话15分钟会有位，唔信，又反问如果无点先？佢都几好礼貌，话有人埋紧单，15分钟一定得，就信佢一次。
捡到个窗口位，四人卡位三人分，都坐得几舒服，食物款式唔少，势色唔对，打死唔叫刺身、寿司，随便叫了冷乌冬、烧花鲛、中华海鲜饭、薯仔煮牛肉。
等．．．等．．．等．．．足足45分钟，食物先上来，是「手打稻庭乌冬」，32蚊做的手打，打死唔信，是交来货，够湿唔够冻，卖相完全唔对版，汁亦是现成货，毫无心机可言，偶自己煮好过佢一百倍，真的衰到尽！烧花鲛是当晚最出色的一道菜，是用烧的，唔欺场，当然说是「最出色」是相对的，比品只是较其他菜有心机去烧而已，腥味十足，满本分鱼油，死死实实，比多廿蚊落般若汤好过；中华海鲜饭．．．．．．读得书少，好难用文字来描述佢有几衰，湿湿淋淋，油（押）味十足，配料是灼熟加也去的，唔识煮如偶辈，都会煮得好过佢！难怪对食无要求的损友都话：「唔识煮就唔好煮啦，浪费晒d食物！咁既野，根本唔系人食！折堕呀！」
最后的薯仔煮牛肉，要三催四请才出来，本来打算埋单唔要，阿经理姨姨见状，失惊无神端锅野出来，真的是．．．阿妹话：「隔离台都系咁，仲要人地话你上唔上菜，唔上的话我比底钱走人算啦。」，侍应最后死死地气端出他们order的菜，服务又是一绝；说薯仔煮牛肉，卖相麻麻，汁稀得要命，感觉将两滴豉油加入盐水内，真难搞，最后菜食剩满台，同事早前来过，相信过一、两个月要再来「开工」哈哈！
http://www.imagestation.com/album/pictures.html?id=2105658320
张贴
